تەواوی وتارەکەی لەخوارەوە بخوێنەوە:

به‌ڕێز جه‌نابى سه‌رۆك بارزانى، به‌ڕێز جه‌نابى د. به‌رهه‌م ساڵح سه‌ركۆمارى عێراقى فيدرال، به‌ڕێز محمد الحلبوسى، سه‌رۆكى په‌رله‌مانى عێراق، به‌ڕێز مه‌ولوود چاوشئۆغڵو، وه‌زيرى ده‌ره‌وه‌ى توركيا، به‌ڕێز ثامر السبهان، وه‌زيرى ده‌وڵه‌تى سعووديه‌ بۆ كاروبارى كه‌نداو ، به‌ڕێز سه‌رۆكى په‌رله‌مانى كوردستان، ‌به‌ڕێزان باڵيۆزانى وڵاتان له‌ عێراق، ديپلۆماتكاران، سه‌ركرده‌ و سياسه‌تمه‌داران و لايه‌نه‌ سياسييه‌كان، میوانان و ئاماده‌بووانى خۆشه‌ویست له‌ عێراق، له‌ به‌غدا كه‌ ته‌شریفتان هێناوه‌ هه‌مووتان به‌خێر بێن.

ڕۆژتان باش.

مايه‌ى خۆشحاڵيمانه‌ كه‌ ئه‌مڕۆ هه‌مووتان لێره‌ن و له‌م ڕێوڕه‌سمه‌دا له‌گه‌ڵ ئێمه‌ به‌شدارن.

به‌ڕێزان سه‌رۆكی په‌رله‌مانى كوردستان و ئه‌ندامانی په‌رله‌مان، نوێنه‌رانى گه‌لی هه‌رێمی كوردستان به‌ گشت ڕه‌نگ و بیر و بۆچوونه‌كانيه‌وه‌:

سوپاس كه‌ ئێوه‌ وه‌ك نوێنه‌رانی گه‌ل، ده‌نگتان دا‌ به‌ هه‌ڵبژاردنم وه‌ك سه‌رۆكى هه‌رێم چوار ساڵی داهاتوو. سوپاس بۆ هه‌مووان، سوپاس بۆ ئه‌وانه‌ى ده‌نگیان دا، ئه‌وانه‌ی ده‌نگیان نه‌دا، ئه‌وانه‌ی‌ ڕۆژى ده‌نگدان نه‌چوونه‌ په‌رله‌مان. سوپاسى هه‌ر هه‌مووتان ده‌كه‌م.

هه‌ر یه‌ك له‌ ئێوه‌، به‌ خواستی خۆی و به‌ نوێنه‌رايه‌تيی ده‌نگده‌ر، له‌سه‌ر ڕاسپارده‌ى ئه‌و حزبه‌ی نوێنه‌راتی ده‌كه‌ن له‌ په‌رله‌مان، ماف و ئه‌ركی دیموكراسيی خۆتان پیاده‌ كرد. له‌م كاته‌دا، گه‌وره‌ترین ده‌ستكه‌وت به‌رده‌وامبوونى خودی پرۆسه‌ی دیموكراسیيه‌ له‌ هه‌رێمى كوردستان. سوپاس كه‌ متمانه‌تان پێدام.

له‌ ڕۆژێكی وه‌ك ئه‌مڕۆدا و له‌ كاتی خۆئاماده‌كردن بۆ ئه‌م ئه‌ركه‌ نوێیه‌، گه‌لێك یادی خۆش و ناخۆش دێنه‌وه‌ بیرمان. هه‌ندێك ڕووداو دوورن، به‌ڵام له‌ هه‌ستی مرۆڤايه‌تيماندا خۆیان چه‌سپاندووه‌ و به‌ ئاسانی له‌ بیر ناكرێن. له‌ بیریان ناكه‌ین، تا لێيان فێر ببین.

هه‌ندێك ڕووداو هێنده‌ نوێن، هێشتا خۆشی و ناخۆشیيان له‌گه‌ڵ هه‌ست و هزر و كاری ڕۆژانه‌ماندا، خۆیان تێكه‌ڵ ده‌كه‌ن. ناخۆشترین یادی نوێ، هێرشی دڕندانه‌ی داعش بوو بۆ سه‌ر چه‌ندين شار و شارۆچكه‌ و گوندى هه‌رێمی كوردستان و عێراق. شێوازی كوشتاری تێرۆریستانی داعش هه‌موومانى تووشی شۆكێكی بێ وێنه‌ كرد، دنیای هه‌ژاند.

زۆر كه‌س‌ پێشبینیی دڕنده‌یی له‌و جۆره‌ی نه‌ده‌كرد. زۆر كه‌س بڕوايان نه‌ده‌كرد له‌ سه‌ده‌ى بيست و يه‌كدا هێزێكى تاريكپه‌رستى وا، ده‌ستى بچێته‌ ئه‌و هه‌موو دڕه‌نده‌يى و ئه‌و هه‌موو تاوانه‌. بۆ ماوه‌یه‌كی كورت له‌وه‌ ده‌چوو كه‌ تيرۆرستان له‌ مه‌رام و مه‌به‌ستیان بۆ تۆقاندنی دونیا، سه‌ركه‌وتوو بن.

جه‌نابی سه‌رۆك بارزانی، ڕۆڵێكى گرنگ و سه‌ره‌كی بینی له‌ به‌رپه‌رچدانه‌وه‌ى تيرۆریستانی داعش و تێكشكاندنی خه‌ونی تاريكپه‌رستى و وێرانكارييان. جه‌نابيان وه‌ك فه‌رمانده‌ی هێزی پێشمه‌رگه‌ى هه‌رێمى كوردستان، به‌وپه‌ڕی توانایه‌وه‌ ڕاسته‌وخۆ به‌شداريى پاراستن و به‌رگرى له‌ هه‌رێمى كوردستان كرد.

شه‌ونخوون و بێ وچان له‌ به‌ره‌ی شه‌ڕ له‌گه‌ڵ پێشمه‌رگه‌ قاره‌مانه‌كان، به‌ سه‌بر و خۆڕاگری، ئه‌زموونی پێشمه‌رگایه‌تی هه‌ر له‌ (16) ساڵييه‌وه‌ تا ئه‌مڕۆى خسته‌ خزمه‌تی به‌رگری و پاراستنی ژیان و مرۆڤایه‌تی له هه‌رێمی كوردستان و عێراق و له‌سه‌ر ئاستی جیهانيش.

له‌و قۆناغه‌ سه‌خته‌دا، جگه‌ له‌ ڕۆڵى سه‌ربازيى يه‌كلاكه‌ره‌وه و به‌رزكردنه‌وه‌ى وره و بڕوا‌ى پێشمه‌رگه له‌ به‌ره‌كانى جه‌نگدا‌، جه‌نابى سه‌رۆك بارزانى به‌ ئه‌زموونى نزيكه‌ى (55) ساڵى خه‌بات و تێكۆشانى خۆى له‌ شۆڕش و سه‌ركردايه‌تى و ڕابه‌رايه‌تيكردنى شۆڕشدا، به‌ حيكمه‌ت و لێزانى و شاره‌زاييى خۆى، گه‌لى كوردستانى له‌ هه‌ڕه‌شه‌ و مه‌ترسييه‌كى ڕاسته‌قينه‌وه، بۆ كه‌نارى ئارامى په‌ڕانده‌وه‌.

ئه‌م ڕێوڕه‌سمه‌ى ئه‌مڕۆش كه‌ زاده‌ى پرۆسه‌ى ديموكراسييه‌، به‌رهه‌مى خه‌بات و تێكۆشان و كۆڵنه‌دانى جه‌نابى سه‌رۆك بارزانى و تێكۆشه‌رانى گه‌له‌كه‌مانه‌‌. به‌رهه‌مى خه‌باتيانه‌‌ به‌ره‌و به‌ديموكراسيكردنى هه‌رێمى كوردستان.

دواى ڕاپه‌ڕين، ئازارى ساڵى 1991 له‌ كۆبوونه‌وه‌يه‌كى جه‌ماوه‌ريدا له‌ كۆيه‌، بۆ يه‌كه‌مجار جه‌نابى سه‌رۆك بارزانى داواى كرد كه‌ بۆ به‌ڕێوه‌بردنى هه‌رێمى كوردستان هه‌ڵبژاردن بكرێت و گه‌لى كوردستان نوێنه‌رانى خۆى له‌ پرۆسه‌ و ده‌نگدانێكى ديموكراسيدا هه‌ڵبژێرێت. خه‌بات و تێكۆشان و سه‌كردایه‌تیكردنی سه‌رۆك بارزانى، ئيلهامبه‌خشى ئێمه‌یه‌‌ بۆ هه‌نگاونانى دروست به‌ره‌و ئاينده‌.

پێشمه‌رگه‌، به‌ یارمه‌تی و هاوكاريی هاوپه‌يمانيى نێوده‌وڵه‌تی به‌ سه‌رۆكايه‌تيى ئه‌مه‌ريكا، هاوشان له‌گه‌ڵ هێزه‌ عێراقييه‌كانى سوپا و حه‌شدى شه‌عبى، سه‌ركه‌وتن له‌ ئازادكردنی ناوچه‌ داگیركراوه‌كان و ڕزگاركردنی خه‌ڵكی كۆیله‌كراو و چه‌وساوه‌ی ژێر ده‌ستى داعش. هه‌موومان قوربانيی گه‌وره‌مان دا له‌پێناو ئازادی، له‌پێناو سه‌ربه‌ستی و مافی ژیان و نیشتمان و گه‌له‌كه‌ماندا.

سڵاو و دروود بۆ گيانى پاكى شه‌هیدان، سڵاو له‌ كه‌سوكارى سه‌ربه‌رزيان، هيواى چاكبوونه‌وه‌ بۆ برینداران ده‌خوازين. سڵاو له‌ پێشمه‌رگه‌ و هێزه‌ عێراقييه‌كان، له‌ سوپا و حه‌شدى شه‌عبى و ئه‌و هێزانه‌ى ڕۆڵی مێژوویيی خۆیان بینی له‌و قۆناغه‌ ناسكه‌ی هه‌رێم و عێراق و جیهاندا. به‌رگریی ئێمه له‌ عێراق،‌ به‌رگری بوو له‌ مرۆڤایه‌تی، به‌رگری بوو له‌ مافی ژیان و سه‌رفرازی.

وڵاتانی هاوپه‌یمانيی دژی داعش ڕۆڵی كاريگه‌ر و بوێرانه‌یان بینی له‌ هاوكاری و سه‌رپه‌رشتيی پێشمه‌رگه‌ بۆ كۆتاييهێنان به‌ ده‌سه‌ڵاتی تيرۆریستانی داعش. سوپاسی بێ پایان بۆ حكوومه‌ت و هێزی سه‌ربازيى هاوپه‌يمانيى نێوده‌وڵه‌تى به‌ سه‌رۆكايه‌تيى ئه‌مه‌ريكا و هه‌موو وڵاتانی به‌شدار له‌ ناوچه‌كه‌ و له‌ جيهان، كه‌ بوونه‌ هاوكار و گه‌ره‌نتیی گه‌ڕانه‌وه‌ى هیوای ژیان و ئاشتى و ئازادى، له هه‌رێمی كوردستان و له‌ ته‌واوی عێراق.

پێشمه‌رگه‌ سه‌لماندى كه‌ وه‌ك هه‌ميشه‌ ده‌توانێ به‌رگرى له‌ وڵات بكات. له‌ قۆناغى داهاتوودا هه‌موو هه‌وڵێك ده‌ده‌ين كه‌ له‌ هه‌موو ڕوويه‌كه‌وه‌ پێشمه‌رگه‌ ڕێكبخرێته‌وه‌ و به‌هێز بكرێت و وه‌ك به‌شێك له‌ سيستمى به‌رگريى عێراق، ماف و شايسته‌ ده‌ستوورييه‌كانى خۆى به‌ ده‌ست بهێنێت. سوپاسى هاوپه‌يمانان ده‌كه‌ين كه‌ بۆ ئه‌م مه‌به‌سته‌ هاوكار و پشتيوانن.

به‌ڕێزان، هه‌رێمى كوردستان وه‌ك هه‌رێمێكى فيدراليى ده‌ستووريى عيراق، سه‌لماندوويه‌تى كه‌ به‌شێكى ديار و كاريگه‌رى ناوچه‌كه‌ و كۆمه‌ڵگه‌ى نێوده‌وڵه‌تييه‌ و ڕۆڵى به‌رچاوى له‌ پاراستنى سه‌قامگيرى و هاوسه‌نگيى ئابوورى و سياسيى ناوچه‌كه‌دا هه‌يه‌. هه‌موو پێشكه‌وتنه‌ سياسى و ئابوورى و فه‌رهه‌نگى و كۆمه‌ڵايه‌تييه‌كانى ناوچه‌كه‌ و جيهانيش، كاريگه‌ريى ڕاسته‌وخۆيان له‌سه‌ر هه‌رێمى كوردستان هه‌يه‌.

بۆيه‌ قۆناغه‌كانى داهاتوو، هاوكارى و هه‌ماهه‌نگى و په‌ره‌پێدانى زياترى په‌يوه‌ندييه‌كانى هه‌رێمى كوردستانمان لێ ده‌خوازێت له‌گه‌ڵ عێراق و وڵاتانى ناوچه‌كه‌ و دۆستانمان له‌ جيهاندا. بۆ ئه‌م مه‌به‌سته‌ و له‌سه‌ر بنه‌ماى به‌رژه‌وه‌نديى هاوبه‌ش و ڕێزله‌يه‌كگرتن، ده‌مانه‌وێت ده‌ستى هاوكارى و هه‌ماهه‌نگى و كارى پێكه‌وه‌يى بۆ هه‌مووان درێژ بكه‌ين.

له‌سه‌ر ئاستی جیهان و له‌ زۆربه‌ی زۆرى وڵاتاندا، ئێمه‌ به‌ قۆناغێكی ناسكی جیاوازيی سیاسی و كۆمه‌ڵایه‌تیدا تێده‌په‌ڕین. كۆمه‌ڵگه‌ی ئێمه‌ش، وه‌ك هه‌ر كۆمه‌ڵگه‌یه‌كی مرۆڤایه‌تى، بێ داخوازيی سه‌ربه‌ستى، ئازادی، گه‌شه‌ی كۆمه‌ڵایه‌تی و خۆشگوزه‌رانی نییه‌.‌ له هه‌مان كاتدا، وه‌ك زۆربه‌ى ميلله‌تانى دیكه‌، ئێمه‌ش بێ ململانێى سیاسی، كۆمه‌ڵایه‌تی، ئابووری و ئایدۆلۆژی نین.

له‌سه‌ر ئاستى ناوخۆى هه‌رێمى كوردستان، ئێمه‌ زۆر جار له‌ فه‌رهه‌نگی سیاسی و نه‌ريتى میدیایيماندا پتر له‌ پێویست جه‌خت له‌سه‌ر ململانێ، ناته‌بایی و ناسازیمان ده‌كه‌ین. با له‌مه‌ودوا له گشت ئاستێكی كۆمه‌ڵايه‌تى و سیاسیدا له‌گه‌ڵ یه‌كتر كۆك و ته‌با و ساز بین.

پێم وا نییه‌ ئه‌مه‌ داخوازییه‌كی له‌توانابه‌ده‌ر بێت بۆ هێزه‌ سیاسيیه‌كانی هه‌رێمى كوردستان. پێم وا نییه‌ هیچ كه‌سێكی خه‌مخۆری ئه‌م ميلله‌ته‌، ئه‌و ئاواته‌ نه‌خوازێت. كۆكبوون، ته‌بايى و سازانمان، ناڵێت جیاوازيی بیروڕا و بۆچوومان وه‌لاوه‌ بنێين.

ده‌زانم ململانێ و جياوازى هه‌ر ده‌مێنن، ئه‌مه‌ شتێكى ئاسايييه‌، به‌ڵام داوا ده‌كه‌م‌ با بیركردنه‌وه‌مان ناكۆك، ناته‌با و ناساز نه‌بێت. له‌بری بيركردنه‌وه‌ له‌ چۆنيه‌تيی بنكۆڵكردنی پێگه‌ی یه‌كتر، با بیر و هه‌ڵسوكه‌وت و كردارمان پێكه‌وه‌ و بنياتنه‌رانه‌ بێت بۆ گه‌ڕان به‌ دوای چاره‌سه‌ری هاوبه‌ش و ئاینده‌ی هاوبه‌شدا.

با نيشتمان كۆكه‌ره‌وه‌ى هه‌موومان بێت. با نوێنه‌رانی پێكهاته‌كانی هه‌رێمى كوردستان، به‌ هه‌موو ڕه‌نگ و جیاوازیيانه‌وه‌، به‌شداريی ژيانه‌وه‌ى هه‌رێم و به‌هێزكردنی بنه‌ماى ڕه‌وتی به‌ره‌و ئاینده‌مان بكه‌ن.

داوا و خواستی من وه‌ك سه‌رۆكی چه‌ند ساڵی داهاتووی هه‌رێمى كوردستان ئه‌وه‌یه پێكه‌وه‌ كار بكه‌ین بۆ هێنانه‌دی ئاواتی له‌ خۆمان و له‌ هه‌ریه‌ك له‌ حزبه‌كانمان گه‌وره‌تر بۆ ئه‌م وڵاته‌.

پێكه‌وه‌ ئاراسته‌ی هاوبه‌شمان ده‌ستنيشان بكه‌ین. پێكه‌وه‌ له‌سه‌ر ئاستی هه‌رێم و عێراق، پێكه‌وه‌ له‌گه‌ڵ دراوسێكانمان، پێكه‌وه‌ له‌گه‌ڵ دۆسته‌ نێوده‌وڵه‌تییه‌كانمان، پێكه‌وه‌ له‌گه‌ڵ ڕێكخراوانی نێوده‌وڵه‌تی، بارودۆخى نوێی گونجاو له‌گه‌ڵ سه‌رده‌م و كۆمه‌ڵگه‌ی هاوبه‌شى هه‌رێم، ژیان و نیشتمانی هاوبه‌شمان بپارێزین.

هیچ گومانم نییه‌ كاتێك پێكه‌وه‌ نه‌خشه‌ڕێى نوێی هاوبه‌ش بۆ هه‌رێمی كوردستان و عێراق داده‌نێین، ڕێ هه‌ڵه‌ ناكه‌ین. بۆ هه‌موومان ئاشكرا ده‌بێت به‌ چ ئاراسته‌يه‌ك هه‌نگاو ده‌نێین و چی پێویست ده‌بێت بۆ گه‌يشتن به‌ ئامانجی هاوبه‌شمان.

ده‌بێت له‌گه‌ڵ حكوومه‌تی فیدرال له‌ به‌غدا پێكه‌وه‌ كار بكه‌ين بۆ دۆزينه‌وه‌ى چاره‌سه‌رى هاوبه‌ش له‌ چوارچێوه‌ی ده‌ستووری فیدرالی عێراقدا. ئه‌و ده‌ستووره‌ی كه‌ گه‌لانى عێراق چه‌نده‌ها ساڵ خه‌ونيان پێوه‌ ده‌بينى تا ببێته‌ بنه‌مای عێراقێكی نوێ، كه‌ تێیدا مافه‌كانی هه‌رێم و هه‌موو عێراقييه‌كان له‌ چوارچێوه‌ی حوكمڕانییه‌كی دیموكراتی فیدرالدا بپارێزرێت. ده‌ستوورێك كه‌ چوار له‌سه‌ر پێنجی ده‌نگده‌ران له‌ سه‌رتاسه‌رى عێراق ده‌نگیان پێدا.

ده‌ستوورێكی فیدرالی كه‌ جێبه‌جێكردنی ته‌واوى مادده‌ و به‌نده‌كانى ببێته‌ زامنكردنی پێكه‌وه‌ژیان، لێكگه‌یشن، یه‌كتر په‌سه‌ندكردن و به‌هێزكردنی پرۆسه‌ی سیاسی له‌ عێراق.

ئێمه‌ ئومێدمان به‌ ده‌ستوور هه‌بوو، به‌ڵام به‌ داخه‌وه‌ نه‌توانرا وه‌ك خۆى جێبه‌جێ بكرێت. نه‌توانرا ئه‌و عێراقه‌ نوێيه‌ بنيات بنرێت كه‌ هه‌موو گه‌لانى عێراق خه‌ونيان پێوه‌ ده‌بينى. ئه‌و عێراقه‌ نوێيه‌ى كه‌ هه‌رێمى كوردستان له‌ هه‌وڵى بنياتنانى هه‌موو دامه‌زراوه‌كانيدا، ڕۆڵ و به‌شداريى كاراى هه‌بووه‌ و به‌رگرى لێ كردووه‌.

له‌ عێراق هيچ به‌ديلێكى ديكه‌ بۆ ده‌ستوور نييه‌. به‌ ئه‌زموون ئه‌وه‌مان بينى كه‌ پشتگوێخستنی به‌ مه‌به‌ست و بێ مه‌به‌ست، یان جێبه‌جێ نه‌كردنى هه‌ر به‌ندێكی ئه‌و ده‌ستووره‌، ده‌بێته‌ هۆی سه‌رهه‌ڵدانى ناكۆكی و ناته‌بایی و ناسازيی نوێ له‌نێوان پێكهاته‌ عێراقييه‌كاندا.

ده‌توانين به‌ لێكگه‌يشتن و كارى هاوبه‌ش جارێكی دیكه‌ ده‌ستووره‌كه‌مان زیندو بكه‌ینه‌وه‌. ڕێزی لێ بگرین و بێ جیاوازی جێبه‌جێی بكه‌ین. بۆ ئه‌وه‌ى تاريكپه‌رستانى وه‌ك داعش دروست نه‌بنه‌وه‌، كاره‌ساتى وه‌ك شه‌نگال و ناوچه‌كانى ديكه‌ى عێراق و هه‌رێمى كوردستان دووباره‌ نه‌بنه‌وه‌.

تاكو عێراق و هه‌رێمى كوردستان ئارامتر و ئاوه‌دانتر بن و له‌ مه‌ترسيى شه‌ڕ و تيرۆر به‌ دوور بن كه‌ هێشتا به‌ جددى هه‌ڕه‌شه‌ له‌ عێراق و ناوچه‌كه‌ و له‌ جيهانيش ده‌كات و لێمان ده‌خوازێت پێكه‌وه‌ هاوكار و هه‌ماهه‌نگ بين بۆ ڕووبه‌ڕووبوونه‌وه‌ و نه‌هێشتنى.

ئاماده‌بووانى به‌ڕێز، له‌ مێژووی دوور و نزیكماندا شه‌ڕ بووه‌ته‌ هۆی وێرانكاری، دواكه‌وتنی كۆمه‌ڵایه‌تی و هه‌ره‌سهێنانی ئابووریمان. زۆر جار شه‌ڕفرۆش بیر له‌وه‌ ناكاته‌وه‌ كه‌ ئاگری شه‌ڕ ماڵی خۆيشی ده‌گرێته‌وه‌. باشترین نموونه‌ كه‌ هه‌موومان له‌ بیرمانه‌، هێرشی ڕژێمی به‌عس بوو بۆ سه‌ر كوردستان، ئێران و كوێت. له‌ كۆتاييدا عێراق‌ وێران بوو، خه‌ڵێكێكی زۆری بێ گوناهـ كوژران. ژیان و ئابووری و باری ده‌روونیی خه‌ڵكى وڵاته‌كه‌ تێكچوو.

به‌كارهێنانى چه‌كی كیمیایی و بڕیاری كۆمه‌ڵكوژی، بووه‌ سیاسه‌تی په‌يڕه‌وكراوى ڕژێم. تا ئێستاش خه‌ڵكی ئه‌م وڵاته‌ و ئه‌م هه‌رێمه و ته‌نانه‌ت ناوچه‌كه‌ش،‌ باجی سیاسه‌تی شه‌ڕفرۆشيی ئه‌و قۆناغانه‌ ده‌ده‌ن و هێشتا ديار نييه‌ كه‌ى كاريگه‌رييه‌ خراپه‌كانى كۆتايى دێن. ‌ با برينى ڕابردوومان به‌ لێبورده‌يى و سنگفراوانى ساڕێژ بكه‌ين، نه‌ك تۆڵه‌ و پلانى نه‌گونجاو له‌گه‌ڵ پێكه‌وه‌ژيان.

ئاماده‌بووانى به‌ڕێز، كوردستانيانى خۆشه‌ويست.. با پێكه‌وه‌، ڕاشكاوا‌نه‌، به‌ نیازی پاك و كرداری شیاو و هه‌ڵوێستی نیشتمانپه‌روه‌رانه‌وه،‌ هه‌نگاوى بیناتنه‌رانه‌ بنێین بۆ ڕێكه‌وتن له‌سه‌ر نه‌خشه‌ڕێى هاوبه‌ش، بۆ وڵات و حوكمڕانییه‌كى بێ جیاوازيی نه‌ته‌وه‌یی، ئایینی، مه‌زهه‌بی و ناوچه‌يى.

گه‌لى كوردستان هه‌ميشه‌ ويستى مرۆڤدۆستى و ژياندۆستيى خۆى نيشان داوه‌. مايه‌ى شانازيى بزووتنه‌وه‌ى ڕزگاريخوازى كوردستانه‌ كه‌ هه‌رگيز ڕێگه‌ى نه‌داوه‌ شه‌ڕى ڕژێمه‌كانى پێشووترى عێراق كه‌ به‌سه‌ر گه‌لى كوردستاندا سه‌پێنرا بوو، ببێته‌ شه‌ڕى نێوان كورد و عه‌ره‌ب.

زۆر جار خه‌ڵك باسى ئه‌وه‌ ده‌كه‌ن كه‌ سه‌رتاسه‌رى عێراق ده‌وڵه‌مه‌نده‌ به‌ سامانى سروشتى، به‌ڵام با له‌مه‌ودوا بۆ خۆمان و هه‌موو دنيا بسه‌لمێنين كه‌ ئێمه‌ پاراستنى ژيان و پێكه‌وه‌ژيانمان له‌ هه‌موو سه‌رچاوه‌يه‌كى سروشتى لا گرنگتره له‌ عێراقدا‌.

له‌سه‌ر ئاستی هه‌رێم، با پێكه‌وه‌ سیاسه‌تی ئاشته‌وایيی كۆمه‌ڵایه‌تی، پێكه‌وه‌ژيان و گه‌شه‌ی ئابووری و سازانى سياسى دابڕێژین. گۆڕانكاريی خێرای هه‌رێم پێویستی به‌ دیدی هاوبه‌ش،‌ دوور له‌ ناكۆكی، ناته‌بایی و ناسازی ده‌بێت.

له‌ كۆتاييدا، هه‌موو به‌رپرس ده‌بین له‌ سه‌ركه‌وتن و له‌ شكستهێنان. هه‌موو پێكهاته‌كانی هه‌رێمی كوردستان پێویستیيان به‌ پاراستنی ماف و موڵك و سه‌رمایه‌ی ئابووری و كۆمه‌ڵایه‌تی و مرۆيييان هه‌یه‌.

كاتێك ئێمه‌ هه‌وڵ ده‌ده‌ین، پێكه‌وه ئارامی و ئاسایشی هه‌رێم بپارێزین، به‌هێزی بكه‌ین، كاتێك به‌رده‌وام هه‌وڵ ده‌ده‌ین بۆ بووژانه‌وه‌ی ئابووری و ڕێكخستنه‌وه‌ی په‌یوه‌ندیمان له‌گه‌ڵ دۆستانی دوور و نزیك و دراوسێكانمان، نابێت ئه‌وه‌ له‌بیر بكه‌ین كه‌ هه‌ریه‌كێك له‌وانیش به‌ هه‌مان شێوه‌ی ئێمه‌ به‌رژه‌وه‌نديى سیاسی، ئابووری و كۆمه‌ڵایه‌تيی خۆی هه‌يه‌.

پته‌وكردنی په‌یوه‌ندی له‌گه‌ڵ وڵاتانی دراوسێ له‌سه‌ر بنه‌مای لێكگه‌يشتن و ڕێزلێكگرتن، به‌رژه‌وه‌نديی هه‌مووان ده‌پارێزێت له‌ چوارچێوه‌ی یاسای نێوده‌وڵه‌تی و داب و ده‌ستووری دیپلۆماسی و سه‌روه‌ريی هه‌ر وڵاتێك و پێكهاته‌ ده‌ستووریيه‌كانیدا.

بێگومان ئه‌ركی سه‌رۆكی هه‌رێم ده‌بێت ڕێ خۆش بكات و زه‌مينه‌سازى بكات بۆ لێكنزيكبوونه‌وه‌ى هه‌رێم له‌گه‌ڵ دراوسێكانمان بۆ گه‌شه‌پێدانی ئابووری، بازرگانی، به‌هێزكردنی په‌یوه‌نديی دیپلۆماسی و دۆزینه‌وه‌ی چاره‌سه‌ری هاوبه‌ش بۆ گرفت و به‌رژه‌وه‌نديی هاوبه‌ش. ئه‌م جۆره‌ كاركردنه‌ هیچ كات نابێته‌ مه‌ترسی بۆ عێراق، به‌ڵكو ده‌بێته هۆی پته‌وكردنى په‌یوه‌نديی دۆستانه‌ و دراوسێیانه‌ له‌سه‌ر هه‌موو ئاسته‌كان.

خۆشه‌ویستان، پاراستن و گه‌شه‌پێدانی په‌یوه‌نديی هه‌رێم له‌گه‌ڵ دۆستان و هێزی نێوده‌وڵه‌تى كه‌ مانه‌وه‌ و‌ سه‌قامگیريی هه‌رێمیان مه‌به‌سته‌ و به‌ به‌رژوه‌ندی ده‌زانن‌، ئه‌ركی سه‌رشانی سه‌رۆكی هه‌رێم ده‌بێت. هه‌موومان ده‌زانین، بێ هاوكاری و هه‌ماهه‌نگی و فریاگوزاريی هێزی نێوده‌وڵه‌تی، داعش ده‌يتوانى زیانێكی گه‌لێك مه‌زنتر به‌ كوردستان و عێراق و جیهان بگه‌يه‌نێت. بێگومان هاوكاری و كۆمه‌كی سه‌ربازی، بووه‌ هۆی سه‌ركه‌وتنى به‌رگريی ئێمه‌ بۆ شكستهێنان به‌ داعش.

سوپاس بۆ خۆڕاگريى یه‌ك به‌ یه‌كی خه‌ڵكی هه‌رێمى كوردستان، كه‌ وێڕاى شه‌ڕ و كه‌مبوونی مووچه‌ و سستیی بازاڕی كار و دابه‌زینی چالاكيی ئابووری، له‌ هه‌ستياريى دۆخه‌كه‌ تێگه‌يشتن و یارمه‌تيی حكوومه‌تی هه‌رێمیان دا، تاكو سه‌ختی و نه‌هامه‌تی و نه‌بوونيی ئه‌م چه‌ند ساڵه‌ی ڕابردووی، به‌ سه‌ربه‌زری تێپه‌ڕاند.

ئه‌گه‌ر ئه‌زموونی چه‌ند ساڵی ڕابردوو ڕێنيشانده‌رمان بێت، ده‌بێت له‌سه‌ر ئه‌و ڕاستییه‌ كۆك بین كه‌ وه‌ك هه‌موو كۆمه‌ڵگه‌یه‌كی سه‌رده‌م، داننان به‌ جیاوازييه‌كانمان، نابێته‌ ڕێگر له‌ سه‌رخستنی خواست و مه‌به‌ست و به‌رژوه‌نديى گشتيی هه‌رێمی كوردستان.

سه‌رباری هه‌موو جیاوازیيه‌كانمان، شایسته‌ی داهاتوویه‌كی باشترین بۆ نه‌وه‌ى ئێستا و نه‌وه‌كانى ئاینده‌مان. سه‌ركه‌وتنی نه‌وه‌ی تازه‌ له‌ خوێندن و فێربوون و شاره‌زایی له‌ زانست، فه‌رهه‌نگ، ته‌كنۆلۆژیا، ئه‌ندازیاری، پزیشكی، كۆمه‌ڵناسی، ده‌رووناسیی، مێژوو و بابه‌تی په‌یوه‌نديی مرۆيى، كۆمه‌ڵگه‌ى ئێمه‌ به‌ره‌و ئاینده‌یه‌كی گه‌شتر ده‌بات.

پێكه‌وه‌ژیانمان، گه‌شه‌ی كۆمه‌ڵاتی، ئابووری، سیاسی و هه‌موو بوارێكی دیكه، پێویستی به‌ كاری جددی و گونجاو هه‌یه‌ بۆ پاراستنی سروشت و ژینگه‌، به‌ جۆرێك له‌گه‌ڵ به‌رپرسياريه‌تيی ئێستا و قۆناغی داهاتوومان، ژینگه‌ وه‌ك‌ سه‌رچاوه‌ی سه‌ره‌كيی ژیان، زه‌ره‌رمه‌ند نه‌بێت.

به‌ كاری هاوبه‌شمان وه‌فادار ده‌بین بۆ خه‌باتی نه‌وه‌ی پێش خۆمان. به‌ ئه‌مانه‌ته‌وه‌ وڵاته‌كه‌مان ده‌ده‌ینه ده‌ست‌ نه‌وه‌كانى داهاتوو. بۆ گه‌یشتن به‌ ئامانج و كاری هاوبه‌شمان، وه‌ك سه‌رۆكی هه‌رێم، ئه‌وپه‌ڕى توانا و ئه‌زموون و خواستی خۆم و پۆسته‌كه‌م، به‌وپه‌ڕی جددیه‌وه‌ به‌كارده‌هێنم بۆ هاوكاریكردنی به‌ڕێز سه‌رۆك وه‌زیرانی نوێ و كابینه‌ و هه‌موو وه‌زيره‌كانى، تاكو له‌ به‌رپرسياری و كاری خۆیاندا سه‌ركه‌وتوو بن. سه‌ركه‌وتنى هه‌ر يه‌كێك له‌ ئێمه،‌ سه‌ركه‌وتنی هه‌موومانه‌.

جارێكى ديكه‌ سەرجەم کوردستانیانی ئازیز دڵنیا دەکەمەوە کە سەرۆکایەتیی هەرێم چەتری یەکڕیزی و کۆکەرەوەی سەرجەم هێز و لایەنە سیاسیيەکانی کوردستان و پێکهاتە ئیتنی و ئایینییەکانی دەبێت، بە جیاوازیی بیر و بۆچوونەکانیانەوە، لەپێناو پێکەوەژیانی ئاشتیانە و ئارامیی گەلی کوردستاندا.

هەرێمی کوردستان موڵکی هەموو کوردستانیانە بە هەموو جیاوازییەکانیانەوە، سەرۆکایەتيی هەرێمیش سەکۆی ئیرادە و خواست و مافەکانیان دەبێت بەبێ هیچ جیاکارييه‌ك. بۆ هه‌موومان ده‌بێت و به‌ يه‌ك چاو سه‌يرى هه‌مووان ده‌كرێت.

دووپاتى ده‌كه‌مه‌وه‌ كه‌ ئارامی و ئاشتیی کۆمەڵایەتی و زامنکردنی مافی تاک و کۆمەڵگه‌، ئامانجی سەرەکیمان دەبێت بە گرتنەبەری دیالۆگ لە چارەسەرکردنی سەرجەم کێشەکانی نێوان هەرێمی كوردستان و حکوومەتی فیدرال لە چوارچێوەی دەستووردا، هەروەها پاراستنی پەیوەندیی دۆستانەی بەهێز لەگەڵ وڵاتانی دراوسێ و ناوچەکە و بەردەوامیدان بە بەهێزکردنی پێگە و سەنگی هەرێمی کوردستان لەسەر ئاستی هەرێمی و نێودەوڵەتی.

كارى جددى ده‌كه‌ين و هه‌موو هه‌وڵێك ده‌ده‌ين بۆ به‌ده‌ستهێنانى مافه‌ ده‌ستوورييه‌كانى هه‌رێمى كوردستان، زامنكردنى مافى مرۆڤ و ئازادييه‌كان و به‌ها و پره‌نسيپه‌كانى جيهانى پێشكه‌وتوو، دابينكرنى ماف و شايسته‌ى هه‌موو چين و توێژه‌كانى كۆمه‌ڵگه‌، نه‌هێشتنى هه‌موو جۆره‌ توندوتيژييه‌ك، پته‌وكردنى پێكه‌وژيان و ته‌بايى و يه‌كترقبووڵكردن له‌ وڵاتێكدا كه‌ وڵاتى هه‌مووان بێت و هه‌موو تاكێك خۆى به‌ خاوه‌نى ئه‌م وڵاته‌ بزانێت. هه‌موومان يه‌ك خۆر له‌سه‌رمان هه‌ڵدێت و يه‌ك ئاسمان دامانده‌پۆشێ، يه‌ك ئاينده‌ و یه‌ك چاره‌نووسيشمان هه‌يه‌.

سوپاس بۆ سه‌رۆك و سه‌ركرده‌ى وڵاتان و هه‌موو ئه‌وانه‌ى له‌ هه‌رێمى كوردستان و عێراق و له‌ هه‌ر شوێنێكى جيهانه‌وه‌ بێت، به‌ نامه‌ و برووسكه‌ و په‌يوه‌نديى ڕاسته‌وخۆ، پيرۆزباييان لێ كردين.

دووباره‌ سوپاس بۆ ئاماده‌بوونتان، هيواى سه‌ركه‌وتن و ڕۆژێكى خۆشتان بۆ ده‌خوازم.

زۆر سوپاس بۆ هه‌موو لایه‌كتان.

The post سەرۆكی هه‌رێمی كوردستان نێچیرڤان بارزانی: تەواوی وتاری دەستبەکاربوون appeared first on Presidency of the Kurdistan Region of Iraq.

له‌ کاتێکدا پرسه‌ و سه‌ره‌خۆشیمان ئاراسته‌ی خانه‌واده و که‌سوکاری قوربانیان ده‌که‌ین و هیوای زووچاکبوونه‌وه‌ بۆ برینداره‌که‌ ده‌خوازین، دووپاتی ده‌که‌ینه‌وه‌ که‌ ڕێگه‌ ناده‌ین ئاسایشی هه‌رێمی کوردستان ئاڵۆز بکرێت و به‌دواداچوون و لێکۆڵینه‌وه‌ بۆ ده‌ستگیرکردنی تاوانکاران به‌رده‌وامه‌ تا ده‌دۆزرێنه‌وه‌ و به‌ سزای خۆیان ده‌گه‌یه‌نرێن.

سه‌رۆکایه‌تیی هه‌رێمی کوردستان

١٧/٧/٢٠١٩

The post ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌ appeared first on Presidency of the Kurdistan Region of Iraq.

ئه‌مڕۆ هێزی ئاسایش و دژه‌تێرۆری كوردستان سه‌ركه‌وتووانه توانیيان ‌تاوانباری سه‌ره‌كی و هاوكارێكی كاره‌ تيرۆریستیيه‌كه‌ى ڕۆژی ١٧ی ته‌ممووزی ٢٠١٩ی ته‌قه‌كردن له‌ ڕیستۆرانتێكی هه‌ولێر ده‌ستگیر بكه‌ن كه‌ جێگه‌ی داخ بوو له‌و كاره‌ تيرۆرستييه‌دا دیپلۆماتێكی توركیا و دوو هاووڵاتیی هه‌رێمی كوردستان گیانیان له‌ده‌ست دا.

سه‌ركه‌وتنی هێزی ئاسایش و دژه‌تێرۆر له ‌ئه‌ركی سه‌ره‌كیی خۆیاندا، دڵسۆزیی ئه‌م هێزانه ‌بۆ كار و پاراستنی هه‌رێمی كوردستان و هاووڵاتیان ده‌سه‌له‌مێنێت. دیاره ‌پاش ڕووداوێكی وا ناخۆش و كارێكى وا ترسنۆكانه‌، جه‌ختی سه‌ره‌كيی ده‌سه‌ڵاتی هه‌رێم له‌سه‌ر ده‌ستگیركردنی تاوانباران و هاوكاره‌كانیان بووه ‌و ده‌بێت. ده‌ستكه‌وتی سه‌ركه‌وتووانه‌ی هێزی ئاسایش و دژه‌تێرۆر له‌وه‌دا بووه‌ كه ‌هه‌میشه‌ توانیویانه ‌هه‌وڵی تیرۆریستان پووچه‌ڵ بكه‌نه‌وه ‌و نه‌هێڵن زیان به ‌خه‌ڵكی هه‌رێم و میوانانی بگات.

تا ئێستا به‌وپه‌ڕی توانای خۆیانه‌وه ‌هه‌رێمى كوردستان و هاووڵاتیانیان پاراستووه، له‌ داهاتووشدا هه‌روه‌ك له‌وه‌وپێش له ‌ئه‌رك و كاری جدديی خۆیان به‌رده‌وام ده‌بن بۆ زامنكردنی ئارامی و ئاسایش له‌ هه‌رێمی كوردستان، ده‌ستگیركراوان و هاوكارانيشيان به‌پێی یاسا مامه‌ڵه‌یان له‌گه‌ڵ ده‌كرێت.

نێچیرڤان بارزانی

سه‌رۆكی هه‌رێمی كوردستان

20/7/2019

The post په‌یامێك له سه‌رۆكی هه‌رێمی كوردستانه‌وه‌‌ appeared first on Presidency of the Kurdistan Region of Iraq.

هه‌واڵى كۆچى دواييى شاعيرى ديارى كوردستان خوالێخۆشبوو مامۆستا فه‌ريد زامدارم پێگه‌يشت. به‌م بۆنه‌ خه‌مناكه‌وه‌ پرسه‌ سه‌ره‌خۆشى له‌ خانه‌واده‌ و كه‌سوكار و دۆست و هاوڕێيان و له‌ شاعير و نووسه‌ران و ئه‌ده‌بدۆستانى كوردستان ده‌كه‌م، هاوبه‌شى خه‌ميانم. خواى مه‌زن گيانى خوالێخۆشبوو به‌ به‌هه‌شت شاد بكات و سه‌بوورى و دڵنه‌واييى هه‌مووان بداته‌وه‌.

يادى مامۆستا فه‌ريد زامدار به‌ به‌رهه‌م و وشه‌ و شيعره‌ جوان و به‌پێزه‌كانى، بۆ هه‌ميشه‌ له‌ دنياى ئه‌ده‌بى كورديدا به‌ زيندوويى ده‌مێنێته‌وه‌.

نێچيرڤان بارزانى

سه‌رۆكى هه‌رێمى كوردستان

22/7/2019

The post سه‌رۆكى هه‌رێمى كوردستان سه‌ره‌خۆشى له‌ خانه‌واده‌ى فه‌ريد زامدار ده‌كات appeared first on Presidency of the Kurdistan Region of Iraq.

سوپاسى بەڕێز پارێزگارى موسەننا دەکەین کە بۆ ئەو ڕووداوە داواى لێبوردنى کردووە و ڕێکارى یاسایى بەرامبەر بە ئەفسەرەکە گیراوەتە بەر، هەروەها سوپاس بۆ هەموو ئەوانەى هەڵوێستیان لەسەر ئەم کردارە هەبووە.

دووپاتى دەکەینەوە کە هەڵسوکەوتى لەو شێوەیە تێنەگەیشتن و ڕێزنەگرتنە لە دەستوورى عێراق و کارێکى تاکەکەسیى ئاوها نابێت ببێتە هۆى گرژى و کاردانەوەى نایاسایى لە هیچ شوێنێک. دەبێ هەمووان گیانى پێکەوەژیان و لێبوردەیى بپارێزن و ڕێز لە دەستوور و مافە دەستوورییەکانى هەموو پێکهاتەکان بگیرێت.

فەوزى هەریرى

سەرۆکى دیوانى سەرۆکایەتیى هەرێمى کوردستان

31/7/2019

The post لێدوانێک لە سەرۆکایەتیى هەرێمى کوردستانەوە appeared first on Presidency of the Kurdistan Region of Iraq.

ئه‌نفالكردنى بادينان كه‌ كۆتاييى شاڵاوى ئه‌نفاله‌كان بوو، له‌ 25ى ئابه‌وه‌ تا 6ى ئه‌يلوولى 1988 هه‌موو ناوچه‌كانى بادينانى گرته‌وه‌ و تيايدا كيمياباران و گرتن و كوشتن و ڕاگواستن و وێرانكرنى مزگه‌وت و دێر و دێهات و ناوچه‌كانى بادينان له‌لايه‌ن پێنج فيرقه‌ى سه‌ربازييه‌وه‌ ئه‌نجام درا و ئه‌وانه‌يشى له‌و تاوانه‌ ڕزگاريان بوو، ئاواره‌ى ئێران و توركيا و په‌راگه‌نده‌ى وڵاتان بوون.

له‌ كاتێكدا به‌وپه‌ڕى ڕێز و شكۆوه‌ يادى شه‌هيدانى ئه‌نفالكردنى بادينان و ته‌واوى شه‌هيدانى كوردستان ده‌كه‌ينه‌وه‌، جارێكى ديكه‌ داوا له‌ حكوومه‌تى عێراق ده‌كه‌ين به‌پێى بڕيارى دادگاى باڵاى تاوانه‌كانى عێراق كه‌ شاڵاوه‌كانى ئه‌نفالى به‌ تاوانى دژى مرۆڤايه‌تى و جينۆسايد و جه‌نگ ناساندووه‌، ئه‌ركى ياسايى و ئه‌خلاقيى خۆى جێبه‌جێ بكات و قوربانييانى ئه‌نفال قه‌ره‌بوو بكاته‌وه‌، هه‌روه‌ها حكوومه‌تى هه‌رێمى كوردستانيش ڕاده‌سپێرين كه‌ خزمه‌تكردنى زياترى قوربانييانى ئه‌نفال و به‌دواداچوونى چاره‌نووسى ونبووان بكاته‌ يه‌كێك له‌ ئه‌وله‌وياتى كاره‌كانى.

دروود و سڵاو بۆ گيانى پاكى شه‌هيدانى ئه‌نفالكردنى بادينان و هه‌موو ئه‌نفالكراوان و ته‌واوى شه‌هيدانى كوردستان.

سه‌رۆكايه‌تيى هه‌رێمى كوردستان

25/8/2019

The post په‌يامى سه‌رۆكايه‌تيى هه‌رێمى كوردستان بۆ يادى ئه‌نفالكردنى بادينان appeared first on Presidency of the Kurdistan Region of Iraq.

له‌م بۆنه‌یه‌دا دووپاتی ده‌که‌ینه‌وه‌ که‌ هه‌رێمی کوردستان بۆ هه‌موو پێکهاته‌ ئایینی و نه‌ته‌وه‌یییه‌کانی وه‌ک هه‌میشه‌ لانه‌ی پێکه‌وه‌ژیان و لێبورده‌یی و ته‌بایی ده‌مێنێته‌وه‌ و پارێزگاری له‌و کولتووره‌ و له ته‌واوی‌ به‌ها مرۆییه‌کان ده‌کات.

دووباره‌ ئه‌م یاده‌ له‌ هه‌مووان پیرۆز بێت.

سه‌رۆکایه‌تیی هه‌رێمی کوردستان

١ی موحەرەمی 1441ی كۆچی

٣١/٨/٢٠١٩

The post په‌یامی سه‌رۆکایه‌تیی هه‌رێمی کوردستان بۆ یه‌کی موحه‌ڕه‌م appeared first on Presidency of the Kurdistan Region of Iraq.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌:

به‌ڕێز نێچیرڤان بارزانی سه‌رۆکی هه‌رێمی کوردستان سه‌ره‌تای ئه‌م هه‌فته‌یه‌، ڕۆژی یه‌کشه‌ممه ٨/٩/٢٠١٩ فه‌رمانی هه‌رێمی بۆ ده‌ستبه‌کاربوونی به‌ڕێزان جه‌عفه‌ر مسته‌فا عه‌لی و مسته‌فا قادر مسته‌فا وه‌ك جێگرانى سه‌رۆكى هه‌رێمى كوردستان ده‌رکرد.

فه‌وزی هه‌ریری

سه‌رۆكی دیوانی سه‌رۆكایه‌تیی هه‌رێمی كوردستان

10/9/2019

The post سه‌رۆكی هه‌رێمی كوردستان فه‌رمانی هه‌رێمی بۆ جێگرانی ده‌ركرد appeared first on Presidency of the Kurdistan Region of Iraq.

کۆمەڵکوژیى گوندى سۆریا یەکێکى دیکە بوو لەو زنجیرە تاوانەى بێ جیاوازى دەرهەق بە هەموو پێکهاتە ئایینى و نەتەوەییەکانى کوردستان ئەنجام دەدران. هەمان ساڵ لە گوندى دەکاى سنوورى ئاکرێش زیاتر لە (70) منداڵ و ژن لە ئەشکەوتێکدا سووتێنران.

لەم یادەدا دووپاتى دەکەینەوە کە هەرێمى کوردستان وەک هەمیشە لانەى پێکەوەژیان و لێبوردەیى بۆ هەمووان دەمێنێتەوە و داواکارین کەیسى گوندی سۆریاش لە دادگاى باڵاى تاوانەکانى عێراق یەکلا بکرێتەوە و کەسوکارى قوربانییان قەرەبوو بکرێنەوە.

سڵاو و دروود بۆ گیانى هه‌موو شه‌هیدانی کوردستان.

نێچیرڤان بارزانی

سه‌رۆکی هه‌رێمی کوردستان

١٦/٩/٢٠١٩

The post پەیامى سەرۆکى هەرێمى کوردستان لە یادى کۆمەڵکوژیى گوندى سۆریادا appeared first on Presidency of the Kurdistan Region of Iraq.

هەر بەم بۆنەیەوە دووبارە جەخت لەسەر كولتوورى ڕەسەنی مرۆڤدۆستی و ئاشتیخوازی و یەکترقبووڵکردن لە کوردستان بە سەرجەم پێکهاتە ئایینی و نەتەوەییەکانییەوە دەکەينەوە، بۆ ئەم ئامانجە پیرۆزەش سەرۆکایەتیی هەرێمی کوردستان پشتیوانیی بەردەوام لە کاری دڵسۆزانه‌ى یەکێتیی زانایانی ئایینی ئیسلاميی کوردستان دەکات بۆ نیشتمان و گەلەکەمان.

هیوای بەردەوامی و سەرکەوتنتان بۆ دەخوازين.

نێچیرڤان بارزانی

سەرۆکی هەرێمی کوردستان

21/9/2019

The post پەیامی سەرۆکی هەرێمی کوردستان بۆ يادى دامەزراندنی یەکێتیی زانایانی ئایینی ئیسلاميی کوردستان appeared first on Presidency of the Kurdistan Region of Iraq.

پرسه‌ و سه‌ره‌خۆشى له‌ كه‌سوكارى قوربانييان ده‌كه‌ين و هاوسۆز و هاوخه‌ميانين. خواى گه‌وره‌ به‌ به‌هه‌شتى خۆيان شاد بكات و دڵنه‌وايى و سه‌ربووريى كه‌سوكاريان بداته‌وه‌، هيواى زووچاكبوونه‌وه‌ش بۆ برينداران ده‌خوازين.

سه‌رۆكايه‌تيى هه‌رێمى كوردستان

21/9/2019

The post سه‌رۆكايه‌تيى هه‌رێمى كوردستان سه‌ركۆنه‌ى ته‌قينه‌وه‌كه‌ى كه‌ربه‌لا ده‌كات appeared first on Presidency of the Kurdistan Region of Iraq.

پرسه‌ و سه‌ره‌خۆشى ئاراسته‌ى خانه‌واده‌ى به‌ڕێزى مامۆستاى هونه‌رمه‌ند ئه‌نوه‌ر شێخانى و كه‌سوكار و دۆست و هاوڕێيانى و ته‌واوى هونه‌رمه‌ندانى كوردستان ده‌كه‌م، هاوده‌رد و هاوخه‌ميانم. خواى مه‌زن سه‌بوورى و دڵنه‌واييى هه‌مووان بداته‌وه‌ و خوالێخۆشبوو به‌ به‌هه‌شتى خۆى شاد بكات.

مامۆستا ئه‌نوه‌ر شێخانى كه‌ ناوێكى ديارى هونه‌رى كوردييه‌، خزمه‌تێكى گه‌وه‌رى به‌ هونه‌رى كوردى كردووه و هه‌موو ته‌مه‌نى خۆى به‌ هونه‌ر به‌خشى‌، به‌ كار و خزمه‌ت و به‌رهه‌مه‌ هونه‌رييه‌كانى، بۆ هه‌ميشه‌ يادى به‌ خێر و به‌ زيندوويى ده‌مێنێته‌وه‌.

نێچيرڤان بارزانى

سه‌رۆكى هه‌رێمى كوردستان

23/9/2019

The post سه‌رۆكى هه‌رێمى كوردستان، سه‌ره‌خۆشى له‌ خانه‌واده‌ى هونه‌رمه‌ند ئه‌نوه‌ر شێخانى ده‌كات appeared first on Presidency of the Kurdistan Region of Iraq.

ئه‌مڕۆ له‌ ساڵیادی كۆچی دواییی مام جه‌لالدا، یادی سه‌ركرده‌یه‌كی خه‌باتگێڕ ده‌كه‌ینه‌وه‌ كه‌ كۆچكردنی بۆشاییه‌كی گه‌وره‌ی له‌ كاری ده‌وڵه‌تی و سیاسیدا دروست كرد. له‌ناو كێشه‌ و ئاڵۆزییه‌كانی ئه‌مڕۆدا له‌ عێراق و ناوچه‌كه‌ زیاتر له‌ هه‌موو كاتێك هه‌ست به‌ بۆشاییی مام جه‌لال ده‌كه‌ین، به‌ڕاستی مام جه‌لال سیمبولێكی كاری هاوبه‌ش بوو.

په‌یوه‌ندیی به‌هێزی نێوان هه‌ردوو سه‌رۆك مام جه‌لال و كاك مه‌سعوود بارزانی، قۆناغێكی به‌هێزی كاری هاوبه‌شی له‌ كوردستان هێنایه‌ كایه‌وه‌ كه‌ ئه‌نجامه‌كه‌ی چه‌سپاندنی به‌شێكی زۆری داواكانی گه‌لی كوردستان بوو له‌ به‌ڵگه‌نامه‌كانی كۆنگرەی ئۆپۆزسیۆنی عێراقی و ده‌ستووری عێراقدا، هه‌روه‌ها له‌ ئه‌نجامی ئه‌وه‌دا بۆ یه‌كه‌مجار پێگه‌یه‌كی به‌هێز بۆ كورد و نه‌ته‌وه‌كانی دیكه‌ له‌ دامەزراوەکانى ده‌وڵه‌تی عێراقدا دروست بوو و دیموكراسی له‌ عێراق گه‌شه‌كردنێكی زۆری به‌خۆیه‌وه‌ بینی.

مام جه‌لال، پشتیوانێكی زۆر گه‌وره‌ بوو بۆ كاری من له‌ دروستكردن و ڕیشه‌داركردنی كاری هاوبه‌ش و به‌ڕێوه‌بردنی هاوبه‌ش له‌ هه‌رێمی كوردستان کاتێک كابینه‌ی پێنجه‌می حكوومه‌تی هه‌رێمی كوردستانمان پێکهێنا و به‌ر له‌وه‌ش له‌ نزیككردنه‌وه‌ی ئیداره‌كان و دروستكردنی یه‌كبڕیاری له‌سه‌ر زۆر پرسی سیاسی و ئیداری له‌ هه‌رێمی كوردستان و عێراق.

ئه‌مڕۆ كه‌ یادی كۆچی دواییی مام جه‌لال ده‌كه‌ینه‌وه‌، باشترین وه‌فاداری ئه‌وه‌یه‌ یه‌كڕیزیی گه‌له‌كه‌مان و هاوبه‌شی له‌ كاری سیاسی و به‌ڕێوه‌بردندا، په‌یوه‌ندییه‌كان و هاوهه‌ڵوێستیی نێوان پارتی دیموكراتی كوردستان و یه‌كێتیی نیشتیمانیی كوردستان و هه‌موو هێزه‌كانی كوردستان له‌سه‌ر پرسه‌ هاوبه‌شه‌ كوردستانی و عێراقییه‌كان به‌هێز بكه‌ین.

یادی مام جه‌لال مایه‌ی خێر و ته‌بایی بێت و سڵاو و دروود بۆ گیانى دەنێرین.

نێچیرڤان بارزانی

سه‌رۆكی هه‌رێمی كوردستان

3/10/2019

The post نێچیرڤان بارزانی: مام جه‌لال سیمبولێكی كاری هاوبه‌شه‌ appeared first on Presidency of the Kurdistan Region of Iraq.

بە نیگەرانییەوە لە ڕووداو و توندوتیژییەکانى ئەم چەند ڕۆژەى بەغدا و چەند پارێزگایەکى دیکەى عێراق دەڕوانین. خۆپیشاندانى مەدەنى و ئاشتیانە، مافێکى دەستووریى پارێزراوە، بەڵام نابێت بۆ توندوتیژى و پێکدادان و نانەوەى پشێوى و ده‌رچوون له‌ ياسا بگۆڕێت و هه‌ڕه‌شه‌ له‌ ئاسايشى گشتى و تێكدان و هه‌ڵوه‌شاندنه‌وه‌ى دامه‌زراوه‌كانى ده‌وڵه‌ت بكات.

كێشه‌ كه‌ڵه‌كه‌بووه‌كانى عێراق له‌دايكبووى ڕۆژ نين، به‌ڵكوو زاده‌ى ڕه‌فتار و سياسه‌ته‌ هه‌ڵه‌كانى ده‌يان ساڵى ڕابردووى حكوومه‌ته‌ يه‌ك له‌دواى يه‌كه‌كانى عێراقن و هيچ حكوومه‌تێك ناتوانێت له‌ شه‌و و ڕۆژێكدا چاره‌سه‌ريان بكات. به‌ديهێنانى خواست و داواكانى گه‌ل، هاوكارى و پشتگيريى هه‌موو هێز و لايه‌نه‌كانى ده‌وێت. پاراستنى ئاسايش و سه‌قامگيرى و ئێستا و داهاتووى وڵات، ئه‌رك و به‌رپرسياريه‌تيى هه‌مووانه‌ و وريايى و داناييى هه‌مووانى پێويسته‌.

عێراق لە دۆخێکى هه‌ستياردایە کە پێویستى بە ئارامى و سەقامگیریى سیاسى و ئەمنى هەیە، ئاڵۆزى و تێکدانى ئاسایش و ده‌رچوونى ڕووداوه‌كان له‌ كۆنترۆڵ، دۆخەکە خراپتر و دژوارتر دەکات، هیچ شتێک چارەسەر ناکات و هەموو گەلانى عێراق تیایدا زەرەمەند دەبن. داواکارین هەموو لایەک دان بە خۆیاندا بگرن، یاسا بپارێزن و به‌رژوه‌نديى باڵاى وڵات ڕه‌چاو بكه‌ن.

نێچیرڤان بارزانى

سەرۆکى هەرێمى کوردستان

4/10/2019

The post نێچيرڤان بارزانى: تێكدانى ئاسايش، دۆخه‌كه‌ خراپتر ده‌كات appeared first on Presidency of the Kurdistan Region of Iraq.

جه‌ژنا جه‌مايێ ل هه‌مى خوشك و برايێن ئێزدى ل كوردستانێ و ل هه‌ر ده‌ره‌كا جيهانێ بن، پيرۆز دكه‌ين. هيڤيدارين ئه‌ڤ جه‌ژنه‌ بۆ هه‌ميا ب خێر و خۆشى ڤه‌گه‌ڕيت و جه‌ژن و هه‌لكه‌فتێن بێن، د ره‌وشه‌كا باشتردا بۆ ئێزدييا و هه‌مى كوردستانييان بگشتى ڤه‌گه‌ڕن.

ئيسال ژى جه‌ژن د ده‌مه‌كێدا تێت كو هێشتا ب ده‌هان هزار خوشك و براێن مه‌ يێن ئێزدى ژيانا ئاواره‌ييێ د كه‌مپاندا ده‌رباز دكه‌ن و نكارن ڤه‌گه‌ڕنه‌ سه‌ر مال و جهێت خۆ، بێترى سێ هزارا ژى هێشتا بێسه‌وشوینن‌ و چاره‌نڤيسێ وان نه‌دياره‌.

ئه‌م جاره‌كا دى خوشك و برایێن خۆ يێن ئێزدى پشتڕاست دكه‌ين كو هه‌ر چ ژ مه‌ بێت دێ كه‌ين داكو ڤه‌گه‌ڕنه‌ سه‌ر مال و جهێن خۆ يێن ئارام و ئاڤه‌دانكرى و هندى ئێك ئێزدى وندا مايه‌، دێ هه‌مى هه‌ولا بۆ ڤه‌گه‌ڕاندنا وان ده‌ين.

دوباره‌ جه‌ما ل هه‌ميا پيرۆز بيت، هه‌ر سال ب خێر و خۆشى.

نێچيرڤان بارزانى

سه‌رۆكێ هه‌رێما كوردستانێ

5/10/2019

The post نێچيرڤان بارزانى پيرۆزباهيا جه‌ژنا جه‌مايێ ل ئێزدييا كر appeared first on Presidency of the Kurdistan Region of Iraq.

دەقى پەیامەکە:

هەر لە سەرەتاوە بە وردى چاودێریى دۆخەکە دەکەین و بە دڵگرانى و نیگەرانییەکى قووڵەوە لە ئۆپەراسیۆنە سەربازییەکانى ڕۆژهەڵاتى فورات لە سووریا دەڕوانین بەتایبەتى کە گرووپە توندڕەوەکانى ئۆپۆزسیۆنى سووریا تیایدا بەشدارن. شەڕ، دەرگا بە سەر کوشتار و دەربەدەرى و ئاوارەبوونى خەڵکى سڤیل و دروستبوونى ناسەقامگیرى لە تەواوى ناوچەکەدا دەکاتەوە و هەڕەشە و مەترسیى سەرهەڵدانەوەى تیرۆریش جددیتر و گەورەتر دەکات.

ئێمە کە لە هەرێمی كوردستان و عێراق قوربانییەكی زۆرمان بۆ تێكشكاندنی تیرۆر داوە و مەینەتییەکانى شەڕمان بینیوە، زۆر بە نیگەرانى و هەستیارییەوە لە ئاڵۆزبوونی دۆخەكە و تێکچوونى ئاسایش و نەمانى سەقامگیرى دەڕوانین کە دەرەنجامى چاوەڕواننەکراو و مەترسیدارى بۆ ناوچەکە و جیهان لێ دەکەوێـتەوە، بۆیە لەپێناو ڕاگرتنی شەڕ و دروستكردنی ئارامیدا، لە هەوڵى بەردەوامداین و بۆ هەموو نێوانگیری و هاوكارییەك ئامادەین.

شەڕ و پێکدادان تەنیا ئاڵۆزى و پشێوى و مەترسی لە ناوچەکە زیاد دەکات، دەسکەوتەکانى تێکشکاندنى داعش لەناو دەبات و لە بەرژەوەندیى هیچ لایەنێکدا نابێت، بۆیە داوا لە کۆمەڵگەى نێودەوڵەتى و ئەنجومەنى ئاسایش دەکەین چارەسەرێکى دادپەروەرانە بۆ ئایندەى سووریا بدۆزێتەوە بە جۆرێک مافى هەموو پێکهاتەکانى تیادا پارێزراو بێت و بە جددى ڕۆڵى خۆى بۆ ڕاگرتنى شەڕ و گەڕانەوەى سەقامگیرى و پاراستنى ئاشتى و دیالۆگ و ڕێگەچارەى سیاسى بگێڕێت و ڕێگە نەدرێت خەڵکى سڤیل دەربەدەر و ئاوارە ببن.

نێچیرڤان بارزانى

سەرۆکى هەرێمى کوردستان

10/10/2019

The post سەرۆک نێچیرڤان بارزانى: بۆ ڕاگرتنى شەڕ لە هەوڵى بەردەوامداین appeared first on Presidency of the Kurdistan Region of Iraq.

عەدنان حسێن دۆستێکی دڵسۆز و ڕاستەقینەی دۆزی ڕەوای گەلی کوردستان و تێکۆشەرێکی بوێر و ماندوونەناسی بزاڤی دیموکراتی نیشتمانیی عێراق و قەڵەمێکی بە بڕشت و ناوێکی دیارى ڕووناکبیری و مەدەنیەتخوازی بوو. لەگەڵ باوەڕەکانی خۆی ڕاستگۆ بوو، هەر لەو پێناوەشدا ساڵانێک لە چیاکانی کوردستان شانبەشانی پێشمەرگە چەکی خەبات و ڕووبه‌ڕووبوونه‌وه‌ى کردە شان.

عه‌دنان حسێن بە هەڵوێست و بە قەڵەم و بە بیر و باوەڕی ڕۆشنگەرانەی، هەموو ژیانی خۆى بۆ ئازادی و دیموکراسی و دادوه‌ريى کۆمەڵایەتی و لێبوردەیى و لە دژی شۆڤێنیزم و دیکتاتوری تەرخان کرد، هەر لەو ڕوانگه‌ مرۆيیەشەوە بە دڵ په‌رۆش و پشتیوانی گەلی کوردستان و مافە ڕەواکانی بوو. یاد و هەڵوێستەکانی، لە ویژدانی گه‌لى کوردستاندا بۆ هه‌ميشه‌ بە زیندوویی دەمێنێتەوە.

گيانى ئه‌و شاد و سه‌بوورى و دڵنه‌وايى بۆ هه‌مووان.

نێچيرڤان بارزانى

سه‌رۆكى هه‌رێمى كوردستان

10/10/2019

The post په‌يامى سه‌رۆكى هه‌رێمى كوردستان بۆ كۆچى دواييى نووسه‌ر و ڕووناكبير عه‌دنان حسێن appeared first on Presidency of the Kurdistan Region of Iraq.

له‌ ڕوانگه‌ى هه‌ستكردن به‌ هه‌ستیاريى ئه‌م قۆناغه‌ى‌ ناوچه‌كه‌ و عێراق و هه‌رێمى كوردستان پيايدا تێده‌په‌ڕێت و به‌مه‌به‌ستى بیروڕا گۆڕینه‌وه‌ و یه‌كخستنى هه‌ڵوێستى لایه‌نه‌ سیاسییه‌كانى هه‌رێمى كوردستان، له‌سه‌ر داواى فه‌رميى سه‌رۆكايه‌تيى هه‌رێمى كوردستان ئه‌م كۆبوونه‌وه‌یه‌ ڕێكخرا.

ته‌وه‌ره‌كانى كۆبوونه‌وه‌ بریتى بوون له‌ هه‌ڵسه‌نگاندنى بارودۆخى ناوخۆیيى هه‌رێمى كوردستان، په‌یوه‌ندییه‌كانى هه‌رێمى كوردستان له‌گه‌ڵ حكوومه‌تى فیدراڵ، گرفت و ئاڵۆزییه‌كانى ناوچه‌كه‌، كاریگه‌رییه‌كانى جموجۆڵى سه‌ربازى له‌ سووریا و لێكه‌وته‌كانى له‌سه‌ر هه‌رێمى كوردستان و چۆنیه‌تيى مامه‌ڵه‌كردنى هه‌رێم له‌گه‌ڵ ڕووداوه‌كاندا.

ده‌رباره‌ى دۆخى ناوخۆیيى هه‌رێمى كوردستان، سه‌رجه‌م ئاماده‌بووان كۆك بوون له‌سه‌ر پێويستيى به‌رده‌واميى ئه‌م كۆبوونه‌وانه‌ به‌ شێوه‌یه‌كى ده‌ورى به‌پێى به‌رنامه‌یه‌كى داڕێژراو، بۆ ئه‌م هه‌نگاوه‌ش‌ سه‌رۆكایه‌تيى هه‌رێمى كوردستانیان وه‌ك باڵاترین دامه‌زراوه‌ى ده‌ستوورى و یاسایى و نیشتمانيى هه‌رێمى كوردستان و چه‌ترى كۆكه‌ره‌وه‌ى سه‌رجه‌م لایه‌ن و پێكهاته‌كان، به‌ گونجاوترین شوێن دانا كه‌ ئه‌م پرۆسه‌یه‌ به‌رده‌وامى پێ بدات.

ئاماده‌بووان هاوده‌نگ بوون كه‌ ئه‌رك و مافه‌ نیشتمانییه‌كان هى هه‌موو لایه‌ن و پێكهاته‌كانى هه‌رێمى كوردستانه‌ و ده‌بێ ئه‌و ئه‌رك و مافانه‌ له‌سه‌ر بنه‌ماى هاونیشتیمانيبوون پیاده‌ بكرێت و هه‌مووان به‌ ئۆپۆزسیۆن و ده‌سه‌ڵاته‌وه، له‌مه‌دا به‌شدار بن‌.

ده‌رباره‌ى بارودۆخى سه‌رتاسه‌رى عێراق و په‌یوه‌ندییه‌كانى هه‌رێمى كوردستان له‌گه‌ڵ حكوومه‌تى فیدراڵى عێراق، كۆبوونه‌وه‌ به‌ په‌سه‌ندى زانى كه‌ سه‌رجه‌م لایه‌نه‌كان تواناكانیان یه‌ك بخه‌ن و به‌ یه‌ك گوتار له‌گه‌ڵ حكوومه‌تى فیدراڵ و لايه‌نه‌ سياسييه‌كانى عێراق گفتوگۆ بكرێت بۆ زامنكردنى مافه‌كانى گه‌لى كوردستان له‌ بابه‌ته‌كانى بودجه‌ و چاره‌سه‌رى ناوچه‌ كوردستانییه‌كانى ده‌ره‌وه‌ى ئیداره‌ى هه‌رێم به‌پێى ده‌ستوور و سه‌رجه‌م مافه‌كانى ديكه‌ى هه‌رێمى كوردستان به‌ ڕێگاى گفتوگۆیه‌كى جددى و دامه‌زراوه‌یى، هه‌روه‌ها كاركردن بۆ پێكهێنانى فیدراسیۆنى فراكسیۆنه‌ كوردستانییه‌كان له‌ ئه‌نجومه‌نى نوێنه‌ران و یه‌كخستنى هه‌موو تواناكان له‌ سه‌رۆكایه‌تيى كۆمار و حكوومه‌تى فیدراڵى و نوێنه‌رانى هه‌رێمى كوردستانى له‌ ئه‌نجومه‌نى نوێنه‌ران، به‌ پێویست زانى. كۆبوونه‌وه‌ جه‌ختى له‌ پێويستيى عێراق به‌ سه‌قامگيرى و ڕه‌چاوكردنى دۆخى هه‌ستيارى ناوچه‌كه‌ و داوا ڕه‌واكانى هاووڵاتيان و دووركه‌وتنه‌وه‌ له‌ توندوتيژى و پاراستنى دامه‌زراوه‌كانى ده‌وڵه‌ت كرده‌وه‌.

ده‌رباره‌ى بارودۆخى سووریا و ئاڵۆزییه‌ سه‌ربازییه‌كانى ناوچه‌كه‌، كۆبوونه‌وه‌ به‌ بایه‌خه‌وه‌ هه‌ڵوه‌سته‌ى له‌سه‌ر ئه‌و بابه‌ته‌ كرد و به‌ په‌سه‌ند زانرا سیاسه‌تێكى واقیعیانه‌ بگیرێته‌ به‌ر كه‌ به‌رژه‌وه‌ندییه‌كانى گه‌ل و خاكى هه‌رێمى كوردستان تيایدا پارێزراو بێت و دامه‌زراوه‌كانى هه‌رێم و لایه‌نه‌ سیاسییه‌كان هه‌موو توانا سياسى و ديپلۆماسييه‌كانيان بخه‌نه ‌گه‌ڕ بۆ هه‌رچى زووتر كۆتایيهاتن به‌ شه‌ڕ و چاره‌سه‌ركردنى كێشه‌كان به‌ ڕێگاچاره‌ى ئاشتیانه‌ و گفتوگۆ كه‌ زامنى مافه‌كانى ته‌واوى پێكهاته‌كانى سووريا بێت.

لايه‌نه‌ به‌شداربووه‌كانى كۆبوونه‌وه‌كه‌:

- پارتى ديموكراتى كوردستان

- يه‌كێتيى نيشتمانيى كوردستان

- بزووتنه‌وه‌ى گۆڕان

- كۆمه‌ڵى ئيسلاميى كوردستان

- يه‌كگرتووى ئيسلاميى كوردستان

- هاوپه‌یمانیی یه‌كێتیی نه‌ته‌وه‌یی

- پارتی گه‌شه‌پێدانی توركمانی

- حيزبى سۆشیالست دیموكراتی كوردستان

- حزبی شیووعيی كوردستان

- بزووتنه‌وه‌ی ئاشووری

- به‌ره‌ی توركمانی

- پارتی كرێكاران و ڕه‌نجده‌رانی كوردستان

- پارتی چاكسازیی توركمانی

- ئه‌نجومه‌نی گه‌لی كلدانی سریانی ئاشوورى

- لیستی میلله‌ت

- لیستی ئه‌رمه‌ن

The post ڕاگه‌یه‌نراوى كۆبوونه‌وه‌ى سه‌رۆكى هه‌رێمى كوردستان له‌گه‌ڵ حیزب و لایه‌نه‌ كوردستانییه‌كان appeared first on Presidency of the Kurdistan Region of Iraq.

نابێت ڕۆڵ و خەباتی ھاوپەیمانان، بەتایبەتی سوپای ئەمەریکا، تێکەڵ بە بڕیاری نەخوازراوی سیاسی بکرێت. ھەرێمی کوردستان ڕێز و پێزانینی بۆ ھێزی ھاوپەیمانان و سوپای ئەمەریکا دووبارە دەکاتەوە و خەبات و قوربانیدانیان بەرز ڕادەگرێت.

سه‌رۆکایه‌تیی هه‌رێمی کوردستان

٢١/١٠/٢٠١٩

The post ڕاگەیه‌نراوێک لە سەرۆکایەتیی ھەرێمی کوردستانەوە appeared first on Presidency of the Kurdistan Region of Iraq.

خوه‌دێ ژێ ڕازی حەمید حاجی دەروێش، ژیانا خوه‌ ژبۆ خزمه‌تا گه‌لێ خوه‌ ده‌رباز کر و د ڤێ ڕێده‌ گه‌له‌ک زۆر و زه‌حمه‌تی کشاندن. خوه‌دایێ مه‌زن جانێ وی ب دلۆڤانی و به‌هه‌شتا خوه‌ شا بکه‌ و سه‌بر و هه‌دارێ بده‌ مالباتا وی.

نێچیرڤان بارزانی

سه‌رۆکێ هه‌رێما کوردستانێ

24/10/2019

The post په‌یاما به‌هیداریێ یا سه‌رۆکێ هه‌رێما کوردستانێ ژبۆ کۆچا داویێ یا حه‌مید حاجی ده‌روێش appeared first on Presidency of the Kurdistan Region of Iraq.