دروشمی سه‌رۆكایه‌تی هه‌رێمی كوردستان بریتییه له هه‌ڵۆیه‌كی باڵبلاَوی زێرِین له ناو بازنه‌یه‌ك رووه‌كه‌ى ئالاَی كوردستانه.
- هه‌ڵۆیه‌كه به گشتی نیشانه‌ی هێزو سه‌ربه‌رزی و ئازادپه‌روه‌ری نه‌ته‌وه‌ی كورد و مێژووه دێرینه‌كه‌یه‌تی.
2- ره‌نگه زێرِینه‌كه نیشانه‌ی ده‌وڵه‌مه‌ندی كوردستانه به سه‌روه‌ت و سامانی سروشتی.
3- چوار به‌شه‌كانی هه‌ر باڵێكی هه‌ڵۆیه‌كه نیشانه‌ی چوار پارێزگاكانی كوردستانن.
4- هه‌تاوه‌كه نیشانه‌ی هه‌ڵهاتنه‌وه‌ی شارستانییه‌تی دێرینی كوردستانه وبیست و یه‌ك تیشكه‌كانی ئاماژه‌ن بۆ جه‌ژنی نه‌ورۆز كه سه‌ری ساڵی تازه‌ی كوردییه له 21 ئازارو چوار تیشكه سه‌ره‌كییه‌كانیش نیشانه‌ی هه‌رچوار پێكهاته‌كانی كوردستانن – كوردو توركمان وكلدان و ئاشور.
5- دوو ئه‌ستێره‌كانی سه‌ر بازنه‌كه كه یه‌كێكیان له‌لای راستی هه‌لۆیه‌كه‌و، ئه‌وه‌ی دیكه‌یان له لای چه‌پییه‌وه، چه‌سپێندراون ، ئاماژه‌ن بۆ كوردو عه‌ره‌ب وه‌ك دوو نه‌ته‌وه‌ی سه‌ره‌كی عیراق.
6- له سه‌ره‌وه‌ی بازنه‌كه به زمانی كوردی نوسراوه (سه‌رۆكایه‌تی هه‌رێمی كوردستان ) و له خواره‌وه‌شی به‌زمانی عه‌ره‌بی ( رئاسه اقلیم كوردستان ).