Serokê Herêma Kurdistanê pêşwaziya Konsula Giştî ya Amerîkayê kir

Îro Çarşemê 14.10.2026, rêzdar Nêçîrvan Barzanî, Serokê Herêma Kurdistanê, li Hewlêrê pêşwaziya Xatûna Gwendolyn Green, Konsula Giştî ya Amerîkayê li Herêma Kurdistanê kir.

Di hevdîtinê de, peywendiyên Amerîkayê bi Iraq û Herêma Kurdistanê re, rewşa navxweyî ya Herêma Kurdistanê û peywendiyên di navbera Hewlêr û Bexdayê de hatin gotûbêjkirin.

Di vî warî de, herdu alî li ser pêwîstiya yekrêziya navxweyî û xebat û lezkirina pengavên pêkanîna kabîneya nû ya Hikûmeta Herêma Kurdistanê de hevnêrîn bûn.

Çareserkirina kêşeyên Hewlêr û Bexdayê li ser bingehê destûrê û parastina aramiyê, ligel dawîn pêşhatên siyasî û ewlehiyê yên navçeyê bi giştî, mijareke din a hevdîtinê bû.