Peyama Serokê Herêma Kurdistanê ya ji bo salvegera damezrandina Yekîtiya Niştimaniya Kurdistanê

News
- 31 May 2020

Birêzan Hevserokan û Encumena Bilinda Siyasî û Berjewendî û Mekteba Siyasiya Yekîtiya Niştimaniya Kurdistanê

Li 45. salvegera damezrandina Yekîtiya Niştimaniya Kurdistanê da, pîrozbahiyê li we yên birêz û serkirdayetî û tevahiya endaman û cemawerê YNK dikim, hêviya serkeftinê ji bo we dixwazim.

Yekîtiya Niştimaniya Kurdistanê, beşeke girîngê tevgera rizgarîxwaziya Kurdistane, li gel Partiya Demokrata Kurdistanê û aliyên din da, hevbeşê serekîbûne li destkeftan û proseya siyasî û binyatnana damezraweyên Herêma Kurdistanê û li pejirandina mafên gelê Kurdistanê li destûra Iraqê da.

Niha jî di demek da Herêma Kurdistanî wekî Iraq û navçeyê, rûbirûyê rewşeke hestiyar û gefên mezin bûye, li hemû demekê zêdetir pêwîstiya me bi tebayî, karê hevbeş û yekrêziyê heye ku take rêya serkeftin û bingeha hemû destkeftane. Li berê da hevkarî û hemahengiya Serok Mam Celal ku îro bi rêz ve bi bîr tînîn, li gel Serok Mesûd Barzanî, nîşana wê rastiyê ne.

ji bo aramiya siyasî û yekhelwestiya li ser pirsên serekiyên gelê Kurdistanê, derbaskirina serkeftiyane rewşeke, parastina qewareya destûra Herêma Kurdistanê û desteberkirina mafên destûriyên gelê Kurdistanê, Serokayetiya Herêma Kurdistanê li gel hemû aliyan û pêkhatan li hewlên xwe de berdewam dibê, çaverêya helwesta Kurdistaniyan jî li hemûyan dikîn.

Li vê salvegerê da silav ji bo giyanê şehîdên Yekîtiya Niştimaniya Kurdistanê û tevahiya şehîdên Kurdistanê ku canê xwe bi navê azadiya gelê xwe da gorî kirin, serê rêz û hûrmetê jî li ber wan da ditewînîn û silav û rêz ji bo malbatên wan yên serbilind re dişînîn.

Nêçîrvan Barzanî

Serokê Herêma Kurdistanê

31.05.2020