پەرلەمانی کوردستان
Îro sibeha Sêşemê 26.05.2026an, rêzdar Nêçîrvan Barzanî, Serokê Herêma Kurdistanê, pêşwaziyê li birêz Mazlûm Ebdî, Fermandarê Giştî yê Hêzên Sûriyeya Demokratîk (HSD) kir.
Di civînê de, rewşa Sûriyê û Kurd û pêkhateyên wan li wî welatî hate nîqaşkirin, her wiha di derbarê geşedanên herêmê, girîngiya parastina aramiyê û rûbirûbûna metirsiyên terorê de, danustandina bîr û ramanan kirin.
Ji aliyê xwe ve, birêz Mazlûm Ebdî spasî û rûmeta xwe ji bo piştgiriya berdewam a Serok Nêçîrvan Barzanî û serkirdayetiya Herêma Kurdistanê ji bo mafên Kurd û pêkhateyên li Sûriyê nîşan da.
Her di civînê de, tekez li ser pêwîstiya diyalog û lihevkirina aliyên kurdî li Sûriyê ji bo çareserkirina pirsgirêkan bi Şamê re kirin.
Çend pirsên din ên cihê girîngiya hevbeş, mijareke din a civînê bûn.
