
Îro şemiyê 15.02.2025 li bajarê Munchen ya Almanyayê birêz Nêçîrvan Barzanî Serokê Herêma Kurdistanê bi birêz Dijk Schove Serokwezîrê Holandayê re civiya.
Di hevdîtinê da, behsa peywendiyên Holandayê bi Iraq û Herêma Kurdistanê re û çawaniya bihêztirkirina hevkariyên di warên curbicur da kirin û di derbarê pêşhatên siyasî û ewlekarî yên deverê bi taybetî rewşa Sûriyeyê da danustandina bîr û ramanan kirin.
Serok Nêçîrvan Barzanî tekez li ser hevkariyên hevbeş yên bi Holandayê re kir û rola Holanda di çarçoveya Hevpeymaniya Navnetewî ya şerê dijî terorîstan û piştgîriya berdewam ya ji bo perwerdekirina hêzên Pêşmerge û bihêztirkirina şiyanên wan de bilind nirxand.
Ji aliyê xwe ve, Serokwezîr Dick Schove amadehiya Holandayê ji bo berdewamiya piştevaniya Herêma Kurdistanê dupat kir û xwesteke welatê xwe jî ji bo pêşxistina hevkariyên hevbeş bi taybetî di warên ewlehî û aborî da nîşan da.
Di civînê da çend mijarên din yên berjewendiyên hevbeş hatin gotûbêj kirin.
