پەرلەمانی کوردستان
Birêz Nêçîrvan Barzanî Serokê Herêma Kurdistanê, roja çarşemê 11.09.2024ê li bajarê Hewlêrê, pêşwaziya birêz Edward Algren Şêwirmendê Pilebilind yê Leşkerî yê Brîtanyayê bo karûbarên Rojhilata Navîn û şandeke pê ra kir ku, ji piledarên leşkerî pêkhatibûn.
Di hevdîtinekê da rewşa Iraq û Herêma Kurdistanê û pêşhatên dawî yên şerê dijî terorîstan û kiryarên DAIŞê li Iraq û Sûriyê hatin gotûbêjkirin. Her du alî li ser wê yekê hevfikir bûn ku, hê jî metirsiya DAIŞ li ser aştî û aramiya herêmî berdewame.
Her du alî tekez li ser hevkarî û hemahengiya di navbera Pêşmerge û artêşa Iraqê bi piştevaniya Hevpeymaniya Navdewletî ya li dijî DAIŞê bo rûbirûbûna terorîstan kirin û behsa paşeroja erkên Hevpeymaniya Navdewletî li Iraq û Herêma Kurdistanê kirin.
Hevkarî û têkiliyên Brîtanyayê bi Iraq û Herêma Kurdistanê ra, pêşhatên dawî yên li Rojhilata Navîn û girîngiya parastina aramiya navçeyê çend mijarên din yên civînê bûn ku, Konsulê giştî yê Brîtanyayê li Herêma Kurdistanê tê da amade bû.
