پەرلەمانی کوردستان
Berî nîvroya îro Şemî 14.02.2026 di berdewamiya hevdîtinên xwe de li Konferansa Asayîşê ya Mûnîhê, rêzdar Nêçîrvan Barzanî, Serokê Herêma Kurdistanê, digel birêz Lindsey Graham, Senatorê Amerîkî û şandeke pê re ku ji hejmarek endamên Kongreyê pêk dihat, civiya.
Di civînê de, peywendiyên Amerîkayê digel Iraq û Herêma Kurdistanê û pêşxistina hevkariya hevbeş di navbera wan de hatin gotûbêjkirin. Serok Nêçîrvan Barzanî spasî û rûmeta Herêma Kurdistanê ji bo piştgiriyên berdewam ên Amerîkayê û Kongreyê ji bo Iraq û Herêma Kurdistanê dûpat kir.
Şanda Kongreya Amerîkayê tekez li ser girîngiya pêgeha Herêma Kurdistanê wek faktoreke ewlehiyê li herêmê kir û piştgiriya xwe ji bo Iraqê û parastina kiyan û qewareya Herêma Kurdistanê û çareserkirina pirsgirêkên Hewlêr û Bexdayê û parastina aramî û ewlehiya welat nîşan da.
Rewşa Sûriyeyê û Kurd li wî welatî mijareke din a civînê bû, tê de Serok Nêçîrvan Barzanî û şanda Kongreya Amerîkayê tekez li ser parastina mafên Kurdan û pêkhateyan di niha û destûra paşerojê ya Sûriyeya yekgirtî de kirin.
Pêşhatên dawî yên ewlehiyê û metirsiyên terorê, mijareke din a civînê bû.
