پەرلەمانی کوردستان
Êvara îro Duşemê 12/10/2026, rêzdar Nêçîrvan Barzanî, Serokê Herêma Kurdistanê, pêşwaziyê li birêz Mezlûm Ebdî kir.
Di hevdîtinekê de, rewşa giştî ya Sûriyê û rewşa Kurdan li wî welatî û dawîn pêşhatên navçeyê hatin gotûbêjkirin û herdu aliyan tekez li ser girîngiya parastina aramî û ewlehiyê kirin.
Birêz Serokê Herêma Kurdistanê piştevaniya Herêma Kurdistanê ji bo Sûriyeke aram û bi ewle dubare kir ku mafê Kurd û hemû pêkhateyan tê de parastî be. Herwiha bal kişand li ser girîngiya pêşxistina peywendî û hevkariya Iraq û Herêma Kurdistanê ligel Sûriyê de kir.
Ji aliyê xwe ve, birêz Mezlûm Ebdî spasiya xwe û pêzanîna xwe ji bo helwêst û piştevaniya berdewam a birêz Serokê Herêma Kurdistanê bo mafên Kurdan û hewldanên wî yên di riya aştî û ewlehiyê de, anî ziman.
