Serokê Herêma Kurdistanê serdana Îranê dike

Sibêha îro înê 03/07/2026an, rêzdar Nêçîrvan Barzanî, Serokê Herêma Kurdistanê, bi vexwendineke fermî ya birêz Mesûd Pizişkiyan, Serokkomarê Komara Îslamî ya Îranê, bi serdanekê gihîşt Tehrana paytext.

Ev serdana rêzdar Serokê Herêma Kurdistanê bi mebesta beşdarîkirinê ye di merasîma fermî ya bi axê spartina Rêberê koçkirî yê Komara Îslamî ya Îranê, xwedê jêrazî Ayetullah El-Uzma Elî Xaminêyî.

Her di çarçoveya serdanê de, birêz Serokê Herêma Kurdistanê dê li gel hejmarek serkirde û berpirsên bilind ên Komara Îslamî ya Îranê hevdîtin û civînan pêk bîne.