Serokê Herêma Kurdistanê û Serokê Encumena Nûneran, rewşa Iraqê nirxandin

News
- 3 May 2021

Êvariya îro dûşem 03.05.2021 birêz Nêçîrvan Barzanî Serokê Herêma Kurdistanê li Hewlêr pêşwaziya birêz Mihemed Helbûsî Serokê Encumena Nûnerên Iraqê kir.

Li civînê de rewşa Iraqê bi giştî, hilbijartinên paşerojê ya Iraqê û pêşbîniyên ji bo nexşeya siyasî ya paşeroja welat, peywendiyên Hewlêr – Bexda, metirsiyên Da’îş û tevgerên wê, alîkarî û hemahengiya di navbera aliyan ya bi navê aramiyê da, rewşa navçeyê û çend pirseke din guftûgo kirin.

Her du alî kok bûn li ser pêwîstî û girîngiya karê pêkveyî û niştimaniya hemû desthilatan û alî û pêkhatên welat ya ji bo rûbirûbûna gefan û derbaskirina kêşe û qeyranan û parastina yekrêzî û tebayî ya bi navê aramiya welat da, her wiha hêvî xwest encama hilbijartinên paşerojê, bersîva çaverêkiriyên welatiyan bê, ya li aramî, xizmetguzarî û jiyan û paşerojeke baştir.