پەرلەمانی کوردستان
Hatina sala nû ya zayînî (2026)ê, bi germî li Kurdistaniyên hêja tevî hemû pêkhateyên xwe, li malbatên serbilind ên şehîdan, Pêşmergeyên qehreman, hêzên ewlehiyê û tevahiya gelên Iraq û cîhanê pîroz dikim. Hêvîdar im sala nû, bibe sala pêkhatina hêviyan, bidawîhatina krîzan û vekirina deriyê xêr û xweşiyê ji hemûyan re.
Bila em hatina sala nû bikin derfetek ji bo vekirina rûpeleke nû ku tê de em nakokiyan deynin aliyekî û bila canê tebayî, lêborîn û yekrêziyê di navbera hemû hêz û aliyên siyasî û pêkhateyan de serdest be. Hêza me di hevqebûlkirin, bihevrejiyan û bihevrekarikirinê de ye ku ev yek tekane garantiya parastina destkeftiyên me û misogerkirina mafên me yên destûrî ye.
Li ser asta Iraqê jî em hêvîdar in sala nû, bibe sala çareserkirina bingehîn a pirsgirêkan li ser bingeha destûrê û hevbeşiya rastîne. Herêma Kurdistanê wekî her tim bi însiyatîf û amade ye ji bo diyalog û hevfêmkirinê. Wekî her tim dê bibe faktora aramî û tenahiyê li navçeyê û li her ku dera cîhanê be, bi hemû awayekî piştevaniya aştiyê dike.
Kurdistaniyên hêja,
Bila em bi hêvî û geşbînî li pêşerojê binêrin. Em we piştrast dikin ku em ê hemû hewlên xwe bidin da ku sala 2026ê bibe sala bicihkirina aramiyê û baştirkirina jiyan û debara welatiyan. Baweriya me bi şiyan û enerjiya ciwanan û dilsoziya gelê Kurdistanê heye ji bo avakirina pêşerojeke geştir.
Sala nû li hemûyan pîroz be. Her şad û serfiraz bin.
Nêçîrvan Barzanî
Serokê Herêma Kurdistanê
2025/12/31
