Şanda bilinda Herêma Kurdistanê beşdariya merasîma sersaxiyê ya Serokomarê Îranê kir

Şanda bilinda Herêma Kurdistanê ku, ji birêz Nêçîrvan Barzanî Serokê Herêma Kurdistanê, Mesrûr Barzanî Serokwezîrê Hikûmeta Herêma Kurdistanê, Mistefa Seyid Qadir Cîgirê Serokê Herêma Kurdistanê, Qubad Talebanî Cîgirê Serokwezîrê Hikûmeta Herêma Kurdistanê û Rêber Ehmed Wezîrê Navxwe pêk dihat, roja çarşemê 22.05.2024ê li Tehranê, beşdariya merasima sersaxiyê ya xwedêjêrazî Îbrahîm Reîsî Serok Komara Îslamî ya Îranê û hevalên wî kir.

Şandê sersaxiya xwe pêşkêşî rêber, hikûmet û gelê Komara Îslamî ya Îranê yê dost û cîran, malbat û kesûkarên rehmetî Serokomar Îbrahîm Reîsî û hevalên wî kir.