Serok Nêçîrvan Barzanî beşdarî merasima vekirina Kûpaya Kendavê dike

Birêz Nêçîrvan Barzanî Serokê Herêma Kurdistanê, êvariya roja înê 06.01.2023ê, bi amadebûna birêzan Mihemed Şîye Sûdanî Serokwezîrê Iraqê, Mihemed Helbûsî Serokê Encûmena Nûnerên Iraqê û hejmarek ji berpirsên payebilind ên Iraqê û hevrê dige şandekê ku, ji birêzan wezîrê kultûrî û ciwanan yê hikûmeta Herêma Kurdistanê, parêzgarên Hewlêr, Silêmanî û Duhokê û rêveberê giştî yê sportê û ciwanan pêkhatibû, ji bo beşdarîkirina di merasima vekirina 25emîn Kûpaya Kendavê da, serdana bajarê Basrayê kirin.

Di daxuyaniyeke rojnamegerî da, Serok Nêçîrvan Barzanî got:
"Em hatibûn ji bo beşdarîkirin di merasîma vekirina Kûpaya Kendavê ya 25emîn da, ev bûyereke girînge ji bo Iraqê, yekem care piştî sala 2003ê, bi baweriya min ev girîngtirîn bûyer e ku îro li Basrayê tê lidarxistin. Em weke şandek ji Herêma Kurdistanê ji bo pîrozbahiyê hatîn Basrayê û em bi vê serdanê kêfxweş bûn.”