پەرلەمانی کوردستان
Birêz Nêçîrvan Barzanî Serokê Herêma Kurdistanê, îro danê sibê roja çarşemê 29.01.2025 ê li bajarê Hewlêrê, pêşwaziya birêz Daniel Rubinstein kir ku karên Balyozxaneya Amerîkayê li Iraqê birêve dibe.
Di civînê da pêwendiyên Amerîkayê bi Iraq û Herêma Kurdistanê re, peywendiyên Hewlêr û Bexdayê, rewşa Herêma Kurdistanê, encamên hilbijartinên Parlementoya Kurdistanê û hewlên pêkanîna kabîneya nû ya Hikûmeta Herêma Kurdistanê, yekxistina hêzên Pêşmerge û proseya çaksaziyê ya li Wezareta Karûbarên Pêşmerge, pêşhatên Sûriyê û rewşa navçeyê di hevdîtinê hatin gotûbêj kirin.
Balyoz Rubinstein tekez li ser pêdagirbûna Amerîkayê ya bi berdewamiya alîkarî û piştevaniya Iraqê û Herêma Kurdistanê kir. Birêz Nêçîrvan Barzanî spasiya alîkarî û piştevaniyên Amerîkayê ya ji bo Iraq û Herêma Kurdistanê, bi taybetî jî di têkoşîna li dijî terorê da kir.
Her du alî li ser girîngiya parastina aştî û aramiya navçeyê û xebata ji bo pêkanîna aştiyeke mayînde hemfikir bûn, her wiha di derbarê rewşa Êzdiyan li Şengalê û Xirîstiyan û pêkhateyên din yên li deşta Nînowayê de danûstandina bîr û ramanan kirin.
Di civînê da ku, Konsulê Giştî yê Amerîkayê li Herêma Kurdistanê jî tê da amade bû, çendîn mijarên din yên xwedî berjewendiya hevbeş jî hatin gotûbêjkirin.
