پەرلەمانی کوردستان
Îro înê 14.02.2025ê li bajarê Munchenê, di berdewamiya hevdîtin û civînên xwe yên di çarçoveya Konferensa Ewlehiyê ya Munchenê da, birêz Nêçîrvan Barzanî Serokê Herêma Kurdistanê bi birêz Mihemed El-Xalîfî Wezîrê Dewletê li Wezareta Derve ya Qeterê re civiya.
Di civînê da li ser pêşxistina peywendiyên Qeterê bi Iraq û Herêma Kurdistanê re gotûbêj kirin û rewşa Iraq û Herêma Kurdistanê û pêşhatên dawî yên li Rojhilata Navîn û navçeyê bi giştî û Sûriyeyê bi taybetî nirxandin.
Her du aliyan piştgiriya xwe ji bo aştî û aramiya Sûriyê dupat kirin û pirsa Kurd û pêkhateyan din li Sûriye ya nû da gotûbêj kirin. Di vê derbarê da Serok Nêçîrvan Barzanî balkişand li ser parastina mafên gelê Kurd û hemû pêkhatan û beşdariya çalak di avakirina paşeroja Sûriye da.
Peywendiyên Herêma Kurdistanê bi welatên cîran ra û çend mijarên din yên xwedî berjewendiyên hevbeş gotûbêj kirin.
