پەرلەمانی کوردستان
Îro danê êvarê roja çarşemê 25.09.2024ê li bajarê Hewlêrê, birêz Nêçîrvan Barzanî Serokê Herêma Kurdistanê pêşwaziya birêz Patrick Dorrel Balyozê Fransayê li Iraqê kir.
Di hevdîtinê da peywendiyên Fransayê bi Iraq û Herêma Kurdistanê ra, pêşhatên dawî yên danûstandinên Hewlêr-Bexdayê ji bo çareserkirina pirsgirêkên di navbera wan da, rewşa Herêma Kurdistanê û hilbijartinên Parlementoya Kurdistanê hatin gotûbêjkirin.
Her du alî li ser wê yekê hevdeng bûn ku di hemû waran da, bi taybetî di warê tevgerên bazirganî û aborî da, derfetên berfirehkirina peywendiyên Fransayê bi Iraq û Herêma Kurdistanê ra hene. Di vê çarçoveyê da derbarê derfet, gav û hevkariyên hevbeş de danustandina bîr û ramanan kirin.
Di civînê da ku, Konsulê Giştî yê Fransayê li Herêma Kurdistanê jî tê da amade bû, tekezî li ser girîngiya hilbijartinan ji bo Herêma Kurdistanê kirin û hêvî xwestin ku, helmeteke aştiyane bê encamdan û proseya dengdanê bi awayekî serkeftî birêve biçe.
Rewşa navçeyê bi giştî û çendîn mijarên din yên xwedî berjewendiya hevbeş di civînê da hatin gotûbêjkirin.
