پەرلەمانی کوردستان
Birêz Nêçîrvan Barzanî Serokê Herêma Kurdistanê, êvariya roja çarşemê 29.01.2025ê li bajarê Hewlêrê, pêşwaziya birêz Patrick Dorrel Balyozê Fransayê li Iraqê kir.
Di hevdîtinê da peywendiyên Fransayê bi Iraq û Herêma Kurdistanê re, peywendiyên Hewlêr û Bexdayê, xebatên pêkanîna kabîneya nû ya Hikûmeta Herêma Kurdistanê û rewşa Sûriyê û navçeyê gotûbêj kirin.
Her du aliyan pêşhatên dawî yên danûstandinên Hewlêr-Bexdayê û encamên karê hevbeşê tîmên her du aliyan nirxandin û li ser girîngiya berdewamiya diyaloga di navbera Hikûmeta Herêma Kurdistanê û Hikûmeta Iraqa Federal da ji bona ku, pirsgirêkên xwe li ser bingeha lihevtêgihiştin û destûra bingehîn çareser bikin, hemfikir bûn.
Di hevdîtinê da her du alî li ser rewşa Sûriyê û pêşhatên dawî yên pirsa Kurd li wî welatî danustandina bîr û ramanan kirin. Di vî warî da, wan tekez li ser girîngiya yekrêzî û hevdengiya Kurdan û parastina mafên hemû pêkhateyên cuda li Sûriye ya nû da kirin.
Girîngiya parastina aramî û aştiyê li navçeyê, metirsiya terorê û çend mijarên din yên xwedî berjewendiyên hevbeş mijarekên din yên vê hevdîtinê bûn ku, Konsulê Giştî yê Fransayê li Herêma Kurdistanê jî tê da amade bû.
