پەرلەمانی کوردستان
Şeva derbasbûyî 23.04.2025 li Hewlêrê, rêzdar Nêçîrvan Barzanî Serokê Herêma Kurdistanê, pêşwaziya birêz General Mezlûm Ebdî Fermandeyê Hêzên Sûriyeya Demokrat kir.
Di civînê de pêşhatên dawî yên rewşa Sûriyê û peywendiyên Hêzên Sûriyeya Demokrat û aliyên sîyasî yên Kurd li Sûriyê bi Hikûmeta Sûriyeyê re nirxandin û di derbarê metirsiyên terorê û rûbirûbûna gefên Da'îş de, danustandina bîr û ramanan kirin.
Herdu alî tekez li ser girîngiya hevbeşî û beşdariya Kurd û tevahiya pêkhatên Sûriyê li desthilat û birêvebirina welat da û mîsogerkirina mafên hemûyan kirin. Her wiha li ser karên hevbeş û pêkveyî ya li navbera pêkhatên Sûriyê da, ji bo parastina aramî û rûbirûbûna metirsî û kêşeyan de hevra bûn.
Pêwîstiya yekrêzî û tebayî ya li nav hêz û aliyên Kurdan li Sûriyê da, weke mîsogeriyek ji bo pêkanîna daxwaz û mafên rewayên Kurd li wî welatî, rewşa kampa Hol û rola Hevpeymaniya Navdewletî li Sûriyê ya ji bo rûbirûbûna Da'îşê, mijarên dinên civînê bûn.
