Serok Nêçîrvan Barzanî spasiya Almanyayê dike

Birêz Nêçîrvan Barzanî Serokê Herêma Kurdistanê, îro şemiyê piştî nîvro 17.02.2024ê li bajarê Munchenê di civînekê da digel birêz Boris Pistorius Wezîrê Berevaniyê yê Almanyayê rola bi bandor ya Almanyayê di şerê dijî DAÎŞ da bilind nirxand û spasiya piştevaniya Almanyayê ji bo Iraq û Herêma Kurdistanê kir û herwesa rola Almanyayê di proseya yekxistina hêzên Pêşmerge da bilind nirxand.

Wezîrê Berevaniyê yê Almanyayê tevî bilind nirxandina rola Pêşmerge di şer û têkşikandina DAIŞê da, berdewamiya hevkarî û piştevaniya welatê xwe ji bo Iraq û Herêma Kurdistanê di rûbirûbûna teror û metirsiyên ewlehiyê da nîşan da.