پەرلەمانی کوردستان
Êvariya îro duşemê 01.06.2026an, rêzdar Nêçîrvan Barzanî, Serokê Herêma Kurdistanê, pêşwaziyê li birêz Patrick Durel, Balyozê Fransayê li Iraqê kir.
Di hevdîtinekê de, peywendiyên Fransayê li gel Iraq û Herêma Kurdistanê, rewşa siyasî ya Iraqê û pêkanîna hikûmeta federal hatin gotûbêjkirin. Herwiha her du aliyan tekez li ser girîngiya berdewamiya hevkarî û hemahengiya hêzên siyasî bi armanca parastina ewlehî, aramî û serweriya welat kirin.
Her du aliyan derbarê rewşa siyasî li Herêma Kurdistanê û hewlên ji bo derbaskirin û çareserkirina kêşeyên navxweyî de, danustandina bîr û ramanan kirin. Herwiha diyalog û lihevkirina Hewlêr û Bexdayê bo çareserkirina kêşeyên hilawêstî, bi pêwîst zanîn.
Pêşhatên dawî yên herêmî û rewşa deverê, mijareke din a hevdîtinê bû. Her du alî hevra bûn li ser girîngiya çareserkirina aştiyane ya kêşe û nakokiyan û parastina aramî û ewlehiyê.
Di hevdîtinê de, birêz Yanm Braem, Konsulê Giştî yê Fransayê li Herêma Kurdistanê, amade bû.
