پەرلەمانی کوردستان
2024-01-13T15:12:37.000000Z
Îro şemiyê piştî nîvro 13.01.2024ê li bajarê Bexdayê, birêz Nêçîrvan Barzanî Serokê Herêma Kurdistanê digel birêz Mihemed Şîya Sûdanî Serokwezîrê Iraqa Federal civiya.
Di civînê da rewşa siyasî û emnî ya Iraqê, pêşhatên dawî yên navçeyê û peywendiyên navbera Hewlêr û Bexdayê hatin gotûbêjkirin. Her du alî tekez li ser parastina aştî, aramî û serweriya welat û dûrxistina Iraqê ji pirsgirêk û nakokiyên navçeyî kirin.
Di civînê da, her wiha, behsa pêngavên ciddî yên Hikûmeta Herêma Kurdistanê û Hikûmeta Iraqa Federal ya ji bo çareserkirina pirsa bûdce, mûçe, hinartina petrola Herêma Kurdistanê û çend pirsên din yên îdarî, darayî û aborî hatin kirin.
Her du alî li ser wê yekê hevfikir bûn ku, divê ev pirsgirêk li gorî destûrê bên çareserkirin û nabe ziyan bigehe welatiyên Herêma Kurdistanê. Serok Nêçîrvan Barzanî balkişand li ser wê yekê ku, pêwîste çareseriyeke yekcarî ji bo mûçeyê karmendên Herêma Kurdistanê hebe û ev yek bi pirsên din ra neyê tevlihevkirin.
Herwiha çend mijarên din yên xwedî berjewendiya hevbeş hatin gotûbêjkirin.
Di civînê da rewşa siyasî û emnî ya Iraqê, pêşhatên dawî yên navçeyê û peywendiyên navbera Hewlêr û Bexdayê hatin gotûbêjkirin. Her du alî tekez li ser parastina aştî, aramî û serweriya welat û dûrxistina Iraqê ji pirsgirêk û nakokiyên navçeyî kirin.
Di civînê da, her wiha, behsa pêngavên ciddî yên Hikûmeta Herêma Kurdistanê û Hikûmeta Iraqa Federal ya ji bo çareserkirina pirsa bûdce, mûçe, hinartina petrola Herêma Kurdistanê û çend pirsên din yên îdarî, darayî û aborî hatin kirin.
Her du alî li ser wê yekê hevfikir bûn ku, divê ev pirsgirêk li gorî destûrê bên çareserkirin û nabe ziyan bigehe welatiyên Herêma Kurdistanê. Serok Nêçîrvan Barzanî balkişand li ser wê yekê ku, pêwîste çareseriyeke yekcarî ji bo mûçeyê karmendên Herêma Kurdistanê hebe û ev yek bi pirsên din ra neyê tevlihevkirin.
Herwiha çend mijarên din yên xwedî berjewendiya hevbeş hatin gotûbêjkirin.
