پەرلەمانی کوردستان
Şeva derbasbûyî, dûşema 16.06.2025 rêzdar Nêçîrvan Barzanî Serokê Herêma Kurdistanê û birêz Ebas Eraqçî Wezîrê Derve yê Komara Îslamî ya Îranê, peywendiyeke telefoniyê encam dan.
Di vê peywendiyê de pêşhatên dawî ya operasyon û rûbirûbûna serbaziya di navbera Komara Îslamî ya Îranê û Îsraîlê guftûgo kirin û di derbarê bandor û encamên wê yên li ser navçeyê de, danustandina bîr û ramanan kirin.
Her du alî li ser girîngiya parastina aramî û ewlehiyê û dûrxistina navçeyê ji aloziyên zêdetir hevdeng bûn, ji bo vê mebestê jî tekez li ser wê yekê kirin ku civaka navdewletî rola xwe ya ji bo rawestandina kirdarên serbazî û çareserkirina aştiyane ya nakokiyan de bibîne.
Li beşeke dinê peywendiyê da, her du alî balkişandin li ser peymana ewlehiyê ya di navbera Iraq û Komara Îslamî ya Îranê û li vî derbarî de rêzdar Serokê Herêma Kurdistanê, pêdagiriya Herêmê bi peymanê re, dûpat kir.
Metirsiya sedemên zêdetir pêşxistina pêşhatan û çend pirseke dinê girîng û hevbeş, mijarên dinê vê peywendiya telefoniyê bûn.
