Serokê Herêma Kurdistanê pêşwaziya Balyozê Rûsyayê kir.

Îro danê nîvro roja sêşemê 01.10.2024ê, birêz Nêçîrvan Barzanî Serokê Herêma Kurdistanê di civînekê da digel birêz Elbrus Kutrashev Balyozê Rûsya li Iraqê li ser peywendiyên Rûsyayê bi Iraq û Herêma Kurdistanê ra, têkiliyên Hewlêr û Bexdayê û li ser hilbijartinên Parlementoya Kurdistanê danustandina bîr û ramanan kirin.

Her du alî tekez li ser girîngiya hilbijartinan ji bo Herêma Kurdistanê kirin û hêviya kampanyayeke aram û serkeftî ji bo proseya dengdanê û herwiha pêşbînî û nêrînên xwe li ser encamên hilbijartinan û proseya siyasî ya Herêma Kurdistanê anîn ziman.

Pêşhatên dawî yên şerê Ukraynayê û rewşa Rojhilata Navîn û encamên wê, mijareke dinê vê hevdîtinê bû ku birêz Konsulê Giştî yê Rûsyayê li Herêma Kurdistanê jî tê da amade bû.