پەرلەمانی کوردستان
2023-03-11T06:30:12.000000Z
Îro di bîranîna 53 saliya wê da, bi rêz û hurmet ve rêkeftina 11ê Adara 1970ê şoreşa Îlonê ya bi rêberiya Barzanî yê nemir, digel hikûmeta Iraqê, em bi bîr tînin. Silav û nemirî ji bo hemû şehîdên Kurdistanê û wan mêrxasan dişînîn yên ku di şoreşa mezin ya Îlonê da beşdar bûn.
Rêkeftina 11ê Adarê di wê rewş û hevkêşeya dijwar û tevlîhev ya herêmî û navdewletiya hîngê da, serkeftinek mezin û girîngtirîn belgenameya fermî ya pejirandî bû ku hindek ji mafên gelê Kurdistanê nas kir û rewatiya doza wî bi cîhanê gihand. Ew rêkeftin bû bingeha sereke ya hemû destkeftên paştir yên gelê Kurdistanê her ji serhildanê heta avakirina parlamento, hikûmet û federalîzmê.
Rêkeftina 11ê Adarê çareseriyeke nimûneyî bû ku dikaribû Iraq û gelê wê bi temamî ber bi çarenivîseke geştir ve bibe û bike yek ji welatên herî pêşketî yên navçe û cîhanê. Lê poşmaniya rayedarên Iraqê û hilbijartina mentiqê hêzê li şûna hêza mantiqê, ji şer, êş, paşveman û bihederdana serwet û samanên welêt pêve tiştekî din ji Iraqê ra neanî. Iraq hê jî baca wê şaşiyê dide.
Bi vê helkeftê, ez bang li hemû hêz û aliyên Iraqî û Kurdistanî dikim ku ders û pendê ji vê dîrokê werbigirin û em hemû ji şaşiyên berê sûd bibînin. Werin em dewlemendî û îmkanên maddî û mirovî ji bo pêşxistina welat û bextewariya welatiyan bikar bînin. Werin em bi hev ra ji bo parastina mafên hemû pêkhateyên Iraqê, sîstema federalî, serwerî, aştî û aramiya welat kar bikin. Werin em hemû bi hevqebûlkirin, tolerans, pêkvejiyan, biratî û yekrêzî, ji bo avakirina welatekî avedan, jiyaneke xweş û bihêz ji bo paşerojeke baştir bi hev ra kar bikin.
Bi rûmet be bîranîna rêkeftina 11ê Adara 1970ê .
Silav li giyanê şehîdan.
Nêçîrvan Barzanî
Serokê Herêma Kurdistanê
11.03.2023
Rêkeftina 11ê Adarê di wê rewş û hevkêşeya dijwar û tevlîhev ya herêmî û navdewletiya hîngê da, serkeftinek mezin û girîngtirîn belgenameya fermî ya pejirandî bû ku hindek ji mafên gelê Kurdistanê nas kir û rewatiya doza wî bi cîhanê gihand. Ew rêkeftin bû bingeha sereke ya hemû destkeftên paştir yên gelê Kurdistanê her ji serhildanê heta avakirina parlamento, hikûmet û federalîzmê.
Rêkeftina 11ê Adarê çareseriyeke nimûneyî bû ku dikaribû Iraq û gelê wê bi temamî ber bi çarenivîseke geştir ve bibe û bike yek ji welatên herî pêşketî yên navçe û cîhanê. Lê poşmaniya rayedarên Iraqê û hilbijartina mentiqê hêzê li şûna hêza mantiqê, ji şer, êş, paşveman û bihederdana serwet û samanên welêt pêve tiştekî din ji Iraqê ra neanî. Iraq hê jî baca wê şaşiyê dide.
Bi vê helkeftê, ez bang li hemû hêz û aliyên Iraqî û Kurdistanî dikim ku ders û pendê ji vê dîrokê werbigirin û em hemû ji şaşiyên berê sûd bibînin. Werin em dewlemendî û îmkanên maddî û mirovî ji bo pêşxistina welat û bextewariya welatiyan bikar bînin. Werin em bi hev ra ji bo parastina mafên hemû pêkhateyên Iraqê, sîstema federalî, serwerî, aştî û aramiya welat kar bikin. Werin em hemû bi hevqebûlkirin, tolerans, pêkvejiyan, biratî û yekrêzî, ji bo avakirina welatekî avedan, jiyaneke xweş û bihêz ji bo paşerojeke baştir bi hev ra kar bikin.
Bi rûmet be bîranîna rêkeftina 11ê Adara 1970ê .
Silav li giyanê şehîdan.
Nêçîrvan Barzanî
Serokê Herêma Kurdistanê
11.03.2023
