Daxuyaniyek ji Serokayetiya Herêma Kurdistanê

Serokayetiya Herêma Kurdistanê ji nêzîk ve bi dezgehên peywendîdar ên Herêma Kurdistanê re wê êrîşa tawankariyê dişopîne ya ku doh di bûyereke sosret de li Duhokê, komek ji cejngêrên Ekîto yê ji welatiyên me yên Krîstiyan tê de hatin armanc kirin û bû sedema birîndarbûna du kesan.

Di demekê de ku em bi tundî vê tawanê şermezar dikin, em hemû Kurdistaniyan piştrast dikin ku Herêma Kurdistanê wek hertim dê niştimanê bihevrejiyan, tenahî û aramiyê ji hemû pêkhateyên xwe re bimîne û bi tu awayî rêya têkdana çanda bihevrejiyan, qebûlkirina hevdu û lêborînê nayê dayîn, tawankar jî dê bigihêjin cezayê xwe yên yasayî.

Serokayetiya Herêma Kurdistanê
02.04.2025