پەرلەمانی کوردستان
Îro Sêşemî 22/4/2025, birêz Nêçîrvan Barzanî, Serokê Herêma Kurdistanê, di hevdîtinekê de bi balyozê nû yê Brîtanyayê re li Iraqê, tevî bixêranînê, hêviya serkeftinê jê re xwest û hemû piştgiriya saziyên Herêma Kurdistanê ji bo serxistina erkên wî yên nû nîşan da.
Di hevdîtinê de, herdu aliyan pesna têkiliyên Brîtanyayê bi Iraqê û Herêma Kurdistanê re da, herweha serok Nêçîrvan Barzanî xwesteka Herêma Kurdistanê ya xurtkirina têkiliyên dualî û hevkariya hevpar di warên cuda de bi Brîtanyayê re tekez kir.
Ji aliyê xwe ve, balyozê Brîtanyayê şabûna xwe ji bo serdana Hewlêrê nîşan da û xwesteka welatê xwe ya ji bo berdewamkirina hevkariya pirralî bi Herêma Kurdistanê re li ser bingeha berjewendiyên hevpar û rêzgirtina dualî tekez kir. Wî herweha rola Herêma Kurdistanê ya bicîkirina aramî û bihevrejiyanê li Iraq û herêmê bilind nirxand.
Di hevdîtinê de guhertinên herêmî yên dawî jî bi giştî, hatin gotûbêjkirin.
