پەرلەمانی کوردستان
Berî nîvroya îro pênçşem 31.07.2025 rêzdar Nêçîrvan Barzanî Serokê Herêma Kurdistanê, pêşwaziya birêz Aydin Ma'rûf Wezîrê Herêmê yê Karubarên Pêkhatan û şandeke pê re kir û li hevdîtinê de, rewşa pêkhatan û hevbeşî û beşdariya wan ya li jiyana siyasî û kargêriya Herêma Kurdistanê da gotûbêj kirin.
Serok Nêçîrvan Barzanî pêdagiriya Herêma Kurdistanê ya bi parastin û pêşxistina kultûra pêkvejiyanê û hevdû qebûlkirin û lêborîniya di navbera tevahiya pêkhatên Kurdistaniyan da dûpat kir. Her wiha dakokiyê li welatîbûn û maf û erkên hemû pêkhatan kir.
Ji aliyê xwe ve birêz Aydin Ma'rûf, ji bilî derbirîna pesn û rûmetên pêkhatan ya ji bo kultûra pêkvejiyana li Herêma Kurdistanê, tekez li ser rol û hevbeşî û beşdariya pêkhatên gelê Kurdistanê li hemû kiyanên jiyanê da kir.
