پەرلەمانی کوردستان
Di hevdîtina ku, îro duşema 02.12.2024 di navbera birêz Nêçîrvan Barzanî Serokê Herêma Kurdistanê û birêz Elbrus Kutraşev Balyozê Rûsyayê li Iraqê de pêkhat, pêwendiyên Rûsyayê digel Iraq û Herêma Kurdistanê hatin gotûbêjkirin û tekez li ser bihêzkirina hevkariyên hevbeş ya di warên cûda de kirin.
Her du alî li ser peywendiyên di navbera Hewlêr û Bexdayê, hilbijartinên Parlementoya Kurdistanê, gotûbêjên di navbera aliyên siyasî yên ji bo pêkanîna kabîneya nû ya Hikûmeta Herêma Kurdistanê û civîna yekem a Parlementoya Kurdistanê ku îro hate li darxistin, danustandina bîr û ramanan kirin.
Tevliheviya rewşa Rojhilata Navîn û bi taybetî rewşa niha ya Sûriyê û bertekên wê yên li ser navçeyê, mijarên din yên civînê bûn ku, Konsulê Giştî yê Rûsyayê li Herêma Kurdistanê jî tê de amade bû.
