پەرلەمانی کوردستان
Spêdehiya îro çarşema 26.02.2025 rêzdar Nêçîrvan Barzanî Serokê Herêma Kurdistanê, pêşwaziya birêz Hadî Amirî Emîndarê Giştî yê Rêxistina Bedir kir.
Li hevdîtinê de behsa pêşhatên siyasî yên dawî û rewşa giştî ya welat kirin. Her wiha pirsên hevbeşên di navbera Hikûmeta Federal û Herêma Kurdistanê û peywendiyên wan, bi awayeke ku berjewendiya niştimanî desteber bike, xistin ber behs û guftûgoyan.
Her du alî tekez li ser girîngiya bihêzkirina diyalog û hevdû têgihiştina li navbera hemû aliyên Iraqiyan da û karên hevbeş yên ji bo desteberkirina aramiya welat û çareserkirina kêşeyên helawestiyan bi ruhê hevkarî û hevbeşiya niştimanî kirin. Her wiha her du alî behsa rewşa welat û girîngiya parêzgerîkirina li yekrêziya niştimanî ya rûbirûbûna pirsên navçeyî û navdewletî de kirin.
Serok Nêçîrvan Barzanî girîngîdana Herêma Kurdistanê, bi berdewamiya hemahengî û hevkariya bi hemû hêzên niştimaniyên li Iraqê re dûpat kir. Her wiha tekez li ser girîngiya piştgîrîkirina hewlên Hikûmeta Federal ya li pêkanîna asayîş û aramî û bihêzkirina hevbeşiya niştimanî kirin ku li berjewendiya tevahiya welat da ye.
