Serok Nêçîrvan Barzanî pêşwaziya Serokê Dezgeha Mearîfî Tirkî kir

Nîvro ya îro dûşema 10.03.2025 rêzdar Nêçîrvan Barzanî Serokê Herêma Kurdistanê, li hevdîtineke li bajarê Hewlêrê de, bi birêz Mehmûd Ozdîl Serokê Dezgeha Mearîfî Tirkî û şandeke pê re, behsa kar û çalakiyên Dezgeha Mearîf li Iraq û Herêma Kurdistanê kirin, her wiha di derbarê alîkariyên hevbeş yên dezgehê bi aliyên peywendîdarên Herêma Kurdistanê de, danustandina bîr û ramanan kirin.

Serok Nêçîrvan Barzanî, ji bilî pîrozbahiya destbikarbûna wekî Serokê Dezgehê, hêviya serkeftinê ji bo birêz Ozdîl xwest û hemû hevkarî û piştgîriyeke ji bo serxistina kar û projeyên Dezgeha Mearîfî Tirkî li Herêma Kurdistanê dûpat kir. Her wiha balkişand li ser der‌fetên alîkariyên hevbeş û sûd wergirtina ji ezmûna serkeftiyên Tirkiye yên li warê xwendin û perwerdeyê da kir.

Ji aliyê xwe ve birêz Serokê Dezgeha Mearîf spas û rûmetên xwe ji bo piştgîrî û alîkariyên aliyên peywendîdarên Herêma Kurdistanê bi dezgehê re derbirî û behsa xwendingehên ser bi dezgehê li Bexda û Hewlêrê kir. Her wiha ‌xwesta dezgehê ya ji bo pêşxistina alîkariyên bi dezgehên peywendîdar re û wekî wê yên li Herêma Kurdistanê derbirî. Li vî derbarî de pesnê rola Dezgeha Rewange ya li warê xwendin û perwerdeyê da kir û amadehiya dezgehê ji bo alîkariyên hevbeş yên li navbera her du aliyan da dûpat kir.

Tekez kirina li ser girîngiya kalîteya xwendinê û asta bilinda perwer‌deyê, mijarên dinê hevdîtinê bû ku birêz Konsulê Giştî yê Tirkiye li Herêma Kurdistanê jî têda amade bû.