پەرلەمانی کوردستان
Nîvroya îro Yekşemê, 30.11.2025, rêzdar Nêçîrvan Barzanî, Serokê Herêma Kurdistanê, di hevdîtinekê de ligel birêz Lokaş Giurich, Konsulê Giştî yê nû yê Komara Çek li Herêma Kurdistanê, ji bilî pîrozkirina destbikarbûnê, hêviya serkeftinê jê re xwest û her cure piştgiriyê ji bo serxistina erkên wî, dûpat kir.
Rêzdar herwiha spasiya hevkariyên Komara Çek ji bo Herêma Kurdistanê kir û daxwaza Herêma Kurdistanê ji bo geşkirina peywendiyên xwe digel Komara Çek re, nîşan da.
Li aliyê xwe ve Konsulê Giştî yê nû yê Komara Çek, ji bilî şermezarkirina êrîşa ser kêlgeha Kormor ê, dilxweşiya xwe ji wergirtina erkê xwe nîşan da û tekez li ser karên ji bo pêşxistina peywendiyên welatê xwe digel Herêma Kurdistanê di hemû waran de kir, bi taybetî berfirehkirina hevkariya hevbeş a di navbera wan ya di warê aboriyê de.
Rewşa giştî ya navçeyê û çend mijarên xwedî girîngiya hevbeş, mijareke din a hevdîtinê bû.
