Serok Nêçîrvan Barzanî û Balyozê Fransayê rewşa Iraqê gotûbêj kirin

Êvara îro Çarşemê, 26/11/2025, rêzdar Nêçîrvan Barzanî, Serokê Herêma Kurdistanê, pêşwaziyê li birêz Patrick Durel, Balyozê Fransayê li Iraqê û şandeke pê re kir.

Di hevdîtinê de, encamên hilbijartinên Encûmena Nûneran û qonaxa bê ya pêvajoya siyasî li Iraqê, rewşa navxweyî ya Herêma Kurdistanê û peywendiyên Fransayê digel Iraq û Herêma Kurdistanê, hatin gotûbêjkirin.

Herdu aliyan serkeftina hilbijartinan weke gaveke erênî dane zanîn û li ser girîngiya hevkariya di navbera aliyên siyasî de ji bo damezrandina hikûmeta federalî li Iraqê li hev kirin, ku bersivdara hêviyên welatiyan be.

Pêwîstiya çareserkirina kêşeyên Hewlêr û Bexdayê li ser bingeha destûrê û rewşa herêmê bi giştî, mijareke din a hevdîtinê bû.