پەرلەمانی کوردستان
Birêz Nêçîrvan Barzanî Serokê Herêma Kurdistanê, piştî nîvroya roja duşemê 13.01.2025ê li Bexdayê bi birêz Nûrî Malikî Serokê Hevpeymaniya Dewleta Yasa re civiya.
Di civînê da bihêzkirina hevkariyên niştimanî û çareserkirina kêşeyên hêlawêstî yên di navbera Hewlêr û Bexdayê li gor destûra bingehîn ya Iraqê gotûbêjkirin û di vê derbarê da tekez li ser girîngiya pêdagirbûna bi destûrê ji bo dabînkirina mafên hemû pêkhateyên li Iraqê kirin.
Her du alî li ser girîngî û pêwîstiya lihevtêgihiştin û bihêzkirina diyaloga siyasî ya di navbera hêz û aliyên Iraqî da û hewlên yekgirtî ji bo çareserkirina kêşeyên nuha heyî û yên rûbirûyê welat dibin, hevdeng bûn.
Pêşhatên navçeyê bi taybetî rewşa Sûriyê û bandora rewşa Rojhilata Navîn li ser Iraq û navçeyê mijarên din yên civînê bûn û di vê derbarê da tekezî li ser girîngiya karên hevpar ji bo parastina aştî û aramiya welat kirin.
