پەرلەمانی کوردستان
Îro înê 14.02.2025 li bajarê Munchen ya Almanyayê, di çarçoveya Konferansa Asayîşa Munchenê da, birêz Nêçîrvan Barzanî Serokê Herêma Kurdistanê, di civînekê da bi birêz Hans-Georg Angelke Wezîrê Dewletê yê Karûbarên Navxweyî yê Almanyayê re behsa hevkariyên hevbeş yên di warê ewlehiyê yên di navbera Almanya, Iraqê û Herêma Kurdistanê da kirin.
Her du aliyan tekez li ser pêşxistina hevkariyên Almanyayê digel aliyên peywendîdar yên Iraq û Herêma Kurdistanê li ser pirsa koçber û koça neyasayî û rûbirûbûna tawanan kirin. Peywendiyên Hewlêr û Bexdayê û rewşa navxwe ya Iraq û Herêma Kurdistanê di civînê da hatin nirxandin.
Di civînê da, Serok Nêçîrvan Barzanî, ji gelê Almanya û malbatên qurbaniyên êrîşa terorîstî yê doh ra, ku encama êrîşek otomobîlan bû û hejmareke welatiyan birîndar bûn, hevsozî û hevxemiya xwe nîşan da û ew êrîş şermezar kir.
