Serokê Herêma Kurdistanê bi Sekreterê Giştî yê Hevpeymaniya Nehcê Niştimanî re civiya

Di berdewamiya serdanên xwe yên Bexdayê da, êvariya roja duşema 13.01.2025ê li Bexda ya paytexta Iraqê, birêz Nêçîrvan Barzanî Serokê Herêma Kurdistanê bi birêz Abdulsada Al-Firêcî Sekreterê Giştî yê Hevpeymaniya Nehcê Niştimanî re civiya.

Di civînê da rewşa giştî ya Iraqê nirxandin û tekez li ser girîngiya xurtkirina hevkariya siyasî, bi awayek ku alîkariya bi dest ve anîna aramî û pêşketina li Iraqê bike, kirin.

Her du alî pêşhatên herî dawî yên navçeyê û encamên wan gotûbêj kirin û li ser pêwîstiya pêşxistina hevkariya di navbera aliyên siyasî ya ji bo çareserkirina kêşeyan de hemfikir bûn.