پەرلەمانی کوردستان
Îro Sêşem 29/4/2025, birêz Nêçîrvan Barzanî, Serokê Herêma Kurdistanê, pêşwazî li birêz Balyoz Tomas Seiler, Serokê Şanda Yekîtiya Ewropayê li Iraqê û şanda pê re kir.
Di civînekê de peywendiyên navbera Yekîtiya Ewropayê û Herêma Kurdistanê û xurtkirina hevkarî û hevahengiya hevbeş hatin gotûbêjkirin, herwiha di derbarê rewşa siyasî û aborî de li Iraqê û Herêma Kurdistanê, dîtin û ramanên xwe guherîn.
Serok Nêçîrvan Barzanî tekez li ser girîngiya rola Yekîtiya Ewropayê ya piştgiriya aramiyê û berdewamiya xurtkirina peywendiyan bi Iraqê û Herêma Kurdistanê re kir, bi taybetî di warên pêşveçûnê, mafên mirovan û hevkariya aborî û çandî de.
Ji aliyê xwe ve, birêz Balyoz Tomas Seiler pêgîriya Yekîtiya Ewropayê bi berdewamiya piştgiriya Iraqê û Herêma Kurdistanê re tekez kir, herwiha spas û pêzanîna xwe ji bo rola Herêma Kurdistanê ya bicihkirina aramiyê û bihevrejiyana aştiyane nîşan da û xwesteka Yekîtiya Ewropayê ji bo pêşvebirina warên hevkariyê bi Herêma Kurdistanê re nîşan da.
Rewşa Sûriyê û herêmê bi giştî, mijareke din a civînê bû.
