Serokê Herêma Kurdistanê Nechirvan Barzanî: ‘Pêwîst e em bi hev re kar bikin. Bila em bi hev re arasteya xwe ya hevbeş destnîşan bikin. Bila niştîman me kom bike’

Serok Nêçîrvan Barzanî tekez kir ku rola wî dê weke kesayetiyeke komker ji bo hemû grûpên siyasî, û isnî û olî li navçeyê be û bang li wan aliyên ku “rê li ber hev digrin” kir ku “Em bîrkirin, reftar û kirdarên xwe bi hev re… ji bo lêgerînê bo pêşerojeke hevbeş terxan bikin.”

Di pêşkêşkirina gotara xwe de weke serokekî nû hilbijartî, Cenabê Serokî tekez kir ku ”Daxwaz û xwestek”a wî di dema serokatiya wî de tenê ew e ku di pêkvejiyana aştiyane û seqamgêrî de be “bê ti cudahiya neteweyî, olî yan navçeyî”

Got: “Ez bawer nakim ku ti kes heye ku yekîtî, rêkeftin û lihevkirinê naxwaze û nakokiyên me yên nerînan dide alî”

“Ez dizanim ku milmilanî û ciyawazî her dimînin, ev tiştekî asayî ye, lê belê ez daxwaz dikim bîrkirina me ne di nakokî, nelihevkirin û newekheviya nerînên me de be. Bila bîr, tevger û kirdarên me bi hev re avaker bin ji bo lêgerînê ji bo çareseriya hevbeş û pêşeroja hevbeş”

“Daxwaz û xwesteka min weke Serokê çend salên bê yê Herêma Kurdistanê ew e ku em bi hev re kar bikin ji bo bicîkirina hêvîne ji hêviyên me û ji hemû partiyên siyasî mezintir”

Ji bo bicîkirina wê yekê, bang li Kurdistaniyan kir ku divê “bi cidî kar bikin” ji bo gerentîkirina “Mafên Mirovan, Azadî û Prensîpên Cîhanî yên Pêşketî” da ku Kurdistan bibe “welatê hemûyan”

“Em hemû yek rok li ser me derdikeve. Me hemûyan yek pêşeroj û çarenivîs heye.”