په‌ياما سه‌رۆكێ هه‌رێما كوردستانێ بۆ جه‌ژنا چلێ هاڤێنێ يا ئێزدييان

News
- 1 August 2020

جه‌ژنا چلێ هاڤينێ يا خوشك و برايێن ئێزدى ل هه‌مى ئێزدييان ل كوردستانێ و ل هه‌ر ده‌ره‌كا جيهانێ بن، بتايبه‌تى ژى جه‌ژنا ئێزدى يێن كو هه‌تا نهۆ ژى ژيانا خۆ د كه‌مپێن ئاواره‌ييێدا ده‌رباز دكه‌ن، ب گه‌رمى پيرۆز دكه‌م. هيڤيدارم جه‌ژن بۆ ئێزدييان و هه‌مى كوردستانێ ب خێر و شاهى ڤه‌گه‌ڕيت و ئه‌م هه‌مى جه‌ژن و بيرهاتنێن خۆ يێن بهێن، د ڕه‌وشه‌كا باشتردا بگێڕين.

هه‌ر ب ڤێ هه‌لكه‌فتنێ جاره‌كا ب ڕێز و شكۆدارى هه‌مى خوشك و برايێن مه‌ يێن ئێزدى يێن قوربانى يێن ده‌ستێ تيرۆرێ ببير تينين، سلاڤ و دروودان بۆ گيانێ وان دهنێرين، مالبات و كه‌سوكارێن هه‌مى ڕه‌ڤاندييان ژى پشتڕاست دكه‌ين كو هندى خوشك و برايه‌كێ مه‌ يێ ئێزدى وندا مابێت، دێ لسه‌ر هه‌ولا ڤه‌ديتن و ڤه‌گه‌ڕانا وان و خويابوونا چاره‌نڤيسێ وان به‌رده‌وام بين.

جه‌ژنه‌كا ئارام بۆ هه‌مى ئێزدييان دخوازم، ب هيڤيا كو جه‌ژنێن بهێن هه‌مى ئێزدييێن ئاواره‌ ڤه‌گه‌ڕيابنه‌ سه‌ر مال و جهێن خۆ يێن ئاڤه‌دانكرى. ديسا جه‌ژنا هه‌ميان پيرۆز بيت، هه‌ر سال ب خێر و خۆشى.

نێچيرڤان بارزانى

سه‌رۆكێ هه‌رێما كوردستانێ

2/8/2020