پەرلەمانی کوردستان
ئەمڕۆ پێنجشەممە 2024/10/31, بەڕێز شێخ جەعفەر شێخ مستەفا جێگری سەرۆکی هەرێمی کوردستان، پێشوازیی لە بەڕێز رودۆلف ریچارد، جێگری کونسوڵی گشتیی فەرەنسا لە هەرێمی کوردستان، کرد.
لە کۆبوونەوەیەکدا، پەرەسەندنە سیاسی و ئەمنییەکانی ناوچەکە، پەیوەندييه‌كانى فەرەنسا لەگەڵ عێراق و هەرێمی کوردستان، تاوتوێ کران و جەخت لە برەودان بە پەیوەندییەکان و پێشخستنیان لە کایە جیاجیاکاندا، کرایەوە.
لە بەشێکی دیکەی گفتوگۆکانی کۆبوونەوەکەدا، باس لە هەڵبژاردنی پەرلەمانی کوردستان و ئەنجامەکانی کرا. لەمبارەیەوە، بەڕێز جێگری کونسوڵی گشتیی فەرەنسا، پیرۆزباییی سەرکەوتنی هەڵبژاردنی لە گەلی کوردستان کرد و هەردوولاش گرنگیی لێکگەیشتنی نێوان لایەنە سیاسییەکانیان بۆ بە زوویی پێکهێنانی حکوومەتی هەرێمی کوردستان، دووپات کردەوە.
پەیوەندییەکانی هەولێر ـ بەغدا و کێشە هەڵواسراوەکانی نێوانیان، تەوەرێکی دیکەی کۆبوونەوەکە بوو کە تیایدا لەسەر چارەسەرکردنی کێشەکان بەپێی دەستوور، هاوڕا بوون.
