نێچیرڤان بارزانی: مستەفا نێروەیی نموونه‌يه‌كی خۆڕاگری و ئازایەتی بوو

News
- 9 December 2020

سەرۆك نێچیرڤان بارزانی، بە بۆنەی كۆچی دوایيی پێشمەرگەی دێرین و كەسایەتيی ناودار مستەفا نێروەیی، پەیامێكی سەرەخۆشی ئاراستەی بنەماڵە و كەسوكاری خوالێخۆشبوو كرد، ئەمە دەقەكەیەتی:

مالباتا ڕێزدار يا خودێ ژێ ڕازى مسته‌فا نێروه‌يى

وه‌غه‌را پێشمه‌رگێ ئه‌گيد و دێرين مسته‌فا نێروه‌يى، ئه‌م گه‌له‌ك خه‌مبار كرين. به‌هيدارى و سه‌رساخيێ ل وه‌ يێن ڕێزدار و هه‌مى هه‌ڤچه‌په‌رێن وى دكه‌ين، ژدل هه‌ڤخه‌م و هه‌ڤسۆزێن وه‌ يێن ڕێزدارين‌.

مستەفا نێروەیی ژ مالباته‌كا ناڤدار و ئێك ژ پێشمه‌رگێن ده‌سپێكێ يێن شۆڕه‌شا ئيلۆنێ بوو، ب دلسۆزى و مێرخاسيا خۆ، ببوو جهێ باوه‌ريا بارزانيێ نه‌مر و سه‌ركردايه‌تيا شۆڕه‌شێ، هه‌روه‌سا فه‌رمانده‌يه‌كێ جهێ باوه‌ريا پێشمه‌رگه‌ى و خۆشتڤييێ خه‌لكى بوو.

ده‌ما كه‌تنا شۆڕه‌شا ئيلۆنێ، هه‌ر ب خۆڕاگرى ما و د شۆڕه‌شا گولانێدا ژى گه‌له‌كێ چالاك بوو، ڕۆله‌كێ مه‌زن د سه‌رهلدانا ئادارا 1991ێ د چارچۆڤه‌يا به‌ره‌يێ كوردستانيدا، گێڕا. ب ڕاستى نموونه‌يه‌كێ خۆڕاگرى و مێرخاسيێ بوو.

مستەفا نێروەیی ب خه‌باتا خۆ يا دوير و درێژ، ب قه‌هره‌مانى، ئه‌گيدى و وه‌فادارييا خۆ، دێ هه‌رتم د بيرا مه‌ و هه‌مى هه‌ڤچه‌په‌رێن خۆ و خه‌لكيدا زندى مينيت.

نێچیرڤان بارزانی

سەرۆكێ هەرێما كوردستانێ

9/12/2020