پەرلەمانی کوردستان
2021-01-20T18:51:25.000000Z
ئێواره‌ى ئه‌مڕۆ چوارشه‌ممه، 20/1/2021 به‌ڕێز نێچيرڤان بارزانى، سه‌رۆكى هه‌رێمى كوردستان، له په‌يوه‌ندييه‌كى ته‌له‌فۆنيدا له‌گه‌ڵ به‌ڕێز مه‌زلووم عه‌بدى، بۆ كۆچى دواييى خوالێخۆشبووى دايكيان، سه‌ره‌خۆشى لێ كرد.
سه‌رۆك نێچيرڤان بارزانى، وێڕاى ده‌ربڕينى هاوسۆزى و هاوخه‌مى له‌گه‌ڵ خۆيان و خانه‌واده به‌ڕێزه‌كه‌يان، هيواى خواست خواى مه‌زن، گيانى خوالێخۆشبووى دايكيان به به‌زه‌يى و ميهره‌بانيى خۆى شاد بكات و دڵنه‌وايى و سه‌بووريى هه‌مووان بداته‌وه.
لاى خۆيه‌وه به‌ڕێز مه‌زلووم عه‌بدى، سوپاس و پێزانينى خۆى و خانه‌واده‌كه‌يانى بۆ سه‌رۆك نێچيرڤان بارزانى و هاوخه‌مييان ده‌ربڕى.
