سه‌رۆك نێچيرڤان بارزانى پيرۆزبايى له‌ به‌ڕێز هومام حه‌مموودى ده‌كات

بە بۆنەی دووبارە هەڵبژاردنه‌وه‌ى به‌ سەرۆکی ئەنجومەنی باڵای ئیسلامیی عێراق، گەرمترین پیرۆزبایی پێشکەش بە بەڕێز شێخ د. هومام حەمموودی دەکەم، هیوای سەرکەوتنى بۆ ده‌خوازم.

نوێکردنەوەی متمانە بە بەڕێزیان، ڕەنگدانەوەی ئەزموون و ڕۆڵی بەرچاوی لە کاری سیاسی و خزمەتکردنی وڵاتە کە مايه‌ى ڕێز و پێزانينه‌. دڵنیام سەرکردایەتيی بەڕێزیان و بوونيان له‌و ئه‌ركه‌دا، يارمه‌تيده‌رى بەهێزکردنی دیالۆگ و لێكگەییشتنى نێوان هێز و لايه‌نه‌ نيشتمانييه‌كان ده‌بێت و خزمەت بە عێراق دەکات.

نێچیرڤان بارزانی
سەرۆکی هەرێمی کوردستان
13/4/2025