پەرلەمانی کوردستان
جه‌ژنا سه‌رسالا ئێزدییان ل هه‌مى خوشك و برايێت مه يێت ئێزدى ل كوردستانێ و ل هه‌ر ده‌ره‌كا دنيايێ بن، ب تايبه‌تى ژى سه‌رسالا كه‌سوكارێت قوربانى يێت ده‌ستێ تيرۆرێ و يێت كو هێشتا د كه‌مپێت ئاواره‌ييێدانه، پيرۆز دكه‌م. هيڤيدارم جه‌ژن و هه‌لكه‌فتن و بيرهاتنێت مه يێت بێن، د ڕه‌وشه‌كا باشتردا ڤه‌گه‌ڕن.
ئيسال جه‌ژن د ده‌مه‌كێدا ڤه‌دگه‌ڕيت كو كوردستان ژى وه‌كى هه‌مى جيهانێ كه‌تيه بن باندۆرا كۆرۆنايێ، هه‌روسا هێشتا چاره‌نڤيسا ب هزاران خوشك و برايێت مه يێت ئێزدى يێت قوربانى يێت ده‌ستێ تيرۆرێ نه‌دياره. د ڤێ ڕه‌وشێدا تڤيا ئه‌م هه‌مى پێگيرى ڕێنماييێت ته‌ندروستى بين و خۆ بپارێزين.
ب ڤێ هه‌لكه‌فتنێ جاره‌كا دى ئه‌م خوشك و برايێت مه‌يێت ئێزدى پشتڕاست دكه‌ين كو هندى خوشك و برايه‌كێ مه يێ ئێزدى وندا مابێت، چ پێويسته دێ كه‌ين داكو تشته‌كێ ژ چاره‌نڤيسێ وان بزانين و ڕڤاندى يێت مايى ژى ڕزگار بكه‌ين، دێ لسه‌ر هه‌ولێت خۆ ژى بۆ بپارێزگه‌هكرنا شه‌نگالێ و ئاڤه‌دانكرنا ده‌ڤه‌رێت ئێزدييان به‌رده‌وام بين.
جه‌ژن و سه‌رسالا وه پيرۆز بيت، هه‌ر سال ب خێر و خۆشى.
نێچيرڤان بارزانى
سه‌رۆكێ هه‌رێما كوردستانێ
14/4/2020
