پەرلەمانی کوردستان
پێشنیوەڕۆی ئەمڕۆ چوارشەممە، ٨/٦/٢٠٢٢، به‌ڕێز مستەفا سەید قادر جێگری سەرۆکی هەرێمی کوردستان، پێشوازی لە به‌ڕێز ڕەیدیۆ دۆبرێ باڵیۆزی ڕۆمانیا لە عێراق و شاندێكى یاوەری کرد.
لە کۆبونەوەکەدا بارودۆخی سیاسيی عێراق و هەرێمی کوردستان و دۆخی چەقبەستووی پرۆسەی پێکهێنانی کابینەی نوێی حكوومه‌تى عێراق و پرسی هەڵبژاردنی پەرلەمانی کوردستان و کۆدەنگيی نیشتیمانی و بە دامەزراوەییکردن بۆ حکومڕانیەکی دروست، بیروڕایان لەبارەوە ئاڵوگۆڕ کرا.
به‌ڕێز جێگری سەرۆک جەختی له گرنگيی یەکڕیزی و سەروەريی یاسا و بەگژداچوونەوەی گەندەڵی و دوورخستنەوەی دەستی حزب لە حکوومەت کردەوە، بۆ سەرخستنی پرۆسەی چاکسازی بە ئامانجی کارکردنی نیشتمانی و بیناکردنی حکوومەتی خزمەتگوزار و دامەزراوەیی، لەپێناو دابینکردنی مووچە و ماف و ژیانێکی شایستە بۆ هاووڵاتیان.
هەر لەو کۆبونەوەیەدا باسیان لە هەماهەنگی و لێکگەیشتن و بەرفراوانکردنی پەیوەندییەکانی نێوان هەرێمی کوردستان و ڕۆمانیا کرد، بەتایبەت لە بوارەکانی خوێندنی باڵا و بازرگانی و سیستەمی دادوەری و پیشەسازی و گەشەپێدانی هەرێمی کوردستاندا.
