جێگری سەرۆکی ھەرێمی کوردستان پێشوازی لە شاندێكێ سه‌ربازیی ئیتالیا کرد.

News
- 26 January 2021

ئەمڕۆ سێشه‌ممه‌ 26/1/2021 بەڕێز شێخ جەعفەر شێخ مستەفا جێگری سەرۆکی ھەرێمی کوردستان پێشوازی لە کۆماندەری هێزی هاوپەیمانانی ئیتالیا جەنەڕاڵ فرانچیسکۆ پریچێپی و شاندێكی سه‌ربازیی یاوه‌ری کرد.

لە دیدارێکدا جێگری سەرۆکی ھەرێم کار و چالاکییەکانی هێزه‌كانی ئیتالیای له‌ هه‌رێمی كوردستان و هاوكارییه‌ سه‌ربازییه‌كانیان لە ڕووی مەشق و پێدانی چەک بە پێشمەرگە، به‌رز نرخاند.

تاوتوێكردنی پڕۆسەی چاکسازیی هێزەکانی پێشمەرگە وه‌ك هه‌نگاوێكی گرنگ، جمووجۆڵەکانی ڕێکخراوی تیرۆریستی داعش لایه‌نێكی دیكه‌ی دیداره‌كه‌ بوو، له‌مباره‌یه‌وه‌ پاراستنی سەقامگیریی ناوچەکە به‌ گشتی و هه‌رێمی كوردستان به‌ تایبه‌تی له‌ هه‌ر ئەگەرێکی نەخوازراو، دووپات كرایه‌وه‌.