جێگری سەرۆک لەگەڵ کۆنگرێسمان جیم هایمس کۆبووەوە

لە بارەگای کۆنگرێسی ئەمەریکا لە واشنتۆن، بەڕێز شێخ جەعفەر شێخ مستەفا، جێگری سەرۆکی هەرێمی کوردستان لەگەڵ بەڕێز جیم هایمس، ئەندامی کۆنگرێسی ئەمەریکا، کۆبووەوە.

لە کۆبوونەوەکەدا، وێڕای خستنەڕووی پێشهات و گۆڕانکارییە سیاسی و ئەمنییەکانی عێراق و ناوچەکە، پەیوەندييه‌كانى نێوان ئەمەریکا لەگەڵ عێراق و هەرێمی کوردستان، پێکهێنانی کابینەی نوێی حکوومەتی هەرێمی کوردستان و کێشە و ناکۆکییەکانی هەولێر ـ بەغدا، گفتوگۆیان لەبارەوە کرا.

لە بەشێکی دیکەی کۆبوونەوەکەدا، پرۆسەی چاکسازی و ڕێکخستنەوەی پێشمەرگە خرایە بەر باس و هەردوولا لەسەر پێویستیی سەرخستنی پرۆسەکە و خێراکردنی ئەو قۆناغانەی کە ماون، هاوڕا بوون.