پەرلەمانی کوردستان
پاشنیوەڕۆی ئەمڕۆ دووشەممە 2026/2/9 لە هەولێر، بە نوێنەرایەتیی بەڕێز سەرۆکی هەرێمی کوردستان، بەڕێز فەوزی هەریری، سەرۆکی دیوان، لە ڕێوڕەسمی 47ەمین ساڵیادی (شۆڕشی ئیسلامی و ڕۆژی نیشتمانیی کۆماری ئیسلامیی ئێران)دا بەشدار بوو، کە لەلایەن کونسوڵخانەی گشتیی ئەو وڵاتەوە لە هەولێر، ڕێکخرا بوو.
لە ڕێوڕەسمەکەدا کە وێڕای چەندین کەسایەتیی سیاسی و بەرپرسانی ئیداری و میوانانی ناوخۆ، ژمارەیەک دیپلۆمات و نوێنەری وڵاتانیش لە هەرێمی کوردستان ئامادەی بوون، بەڕێز سەرۆکی دیوان بەناوی سەرۆک نێچیرڤان بارزانی ـەوە، پیرۆزباییی یادەکەی لە بەڕێزان کونسوڵی گشتی و ستافی کونسوڵخانە کرد و هیوای سەقامگیری و ئاشتیی بۆ گەلی ئێران خواست.
لای خۆیەوە بەڕێز فرامەرز ئەسەدی، کونسوڵی گشتیی کۆماری ئیسلامیی ئێران لە هەولێر، وێڕای سوپاس و پێزانین بۆ بەشداریی هەمووان لە ڕێوڕەسمەکەیاندا، جەختی لە پەیوەندی و دۆستایەتیی نێوان وڵاتەکەی و هەرێمی کوردستان، کردەوە.
