پەرلەمانی کوردستان
بە بۆنەی هاتنەوەی جەژنی سەری ساڵی بابلی ـ ئاشووری (ئەکیتۆ)، پیرۆزباییەکی گەرم لە خوشک و برایانی کلدانی، ئاشووری و سریانی لە کوردستان و عێراق و جیهان بە گشتی دەکەم، هیوادارم لە کەشێکی ئارام و ئاسوودەدا ئەم جەژنە بەسەر ببەن و ببێتە مایەی خێر و خۆشی بۆ هەموو لایەک.
لەم بۆنەیەدا، جەخت دەکەینەوە لە پەرەپێدان و بەهێزکردنی ئەو پێکەوەژیانە کۆمەڵایەتی و ئاشتییانەیەی کە بە درێژایی مێژوو لە نێوان تەواوی پێکهاتە ئایینی و نەتەوەییەکانی کوردستان و عێراقدا بوونی هەبووە، ئومێدەوارم ئەو کولتووری پێکەوەییەی کە سیمایەکی جوانی بە هەرێمەکەمان بەخشیوە، گرنگیی زیاتری پێبدرێت، لەپێناو ژیانێکی ئاشتییانە و هاوبەش لە نێوان گشت پێکهاتەکان و پاراستنی فەرهەنگی فرەڕەنگی و قووڵکردنەوەی گیانی برایەتی و یەکترقبووڵکردن.
جەژنتان پیرۆز بێت و هەمیشە دڵخۆش و کامەران بن.
شێخ جەعفەر شێخ مستەفا
جێگری سەرۆکی هەرێمی کوردستان
2025/4/1
