سه‌رۆکی هه‌رێمی کوردستان سه‌ره‌خۆشی له‌ خانه‌واده‌ی مامۆستا عه‌بدولغه‌نی عه‌لی یه‌حیا ده‌کات

به‌بۆنه‌ی کۆچی دواییی مامۆستا عه‌بدولغه‌نی عه‌لی یه‌حیای نووسه‌ر و ڕۆژنامه‌نووسه‌وه‌، به‌ڕێز نێچیرڤان بارزانی سه‌رۆکی هه‌رێمی کوردستان په‌یامێکی سه‌ره‌خۆشی ئاراسته‌ی خانه‌واده‌که‌ی کرد، ئه‌مه‌ ده‌قه‌که‌یه‌تی:

کۆچی دواییی نووسەر و ڕۆژنامەنووس مامۆستا عەبدولغەنی عەلی یەحیا خەمباری کردین. پرسە و سەرەخۆشیمان ئاراستەی خانەوادەی بەڕێزی خوالێخۆشبوو، کەسوکار و دۆست و هاوڕێیانی و سەرجەم ڕۆژنامەنووسانی کوردستان دەکەین.

خوالێخۆشبوو تەمەنێکی زۆری بەخشییە کایەی نووسین و ڕۆژنامەنووسی و لەم بوارەدا خزمەتێکی زۆری پێشکەش کرد.

ئارامی بۆ گیانی مامۆستا و سەبووری و دڵنەوایی بۆ خانەوادە و کەسوکاریان، هاوبەشی خەمیانین.

نێچیرڤان بارزانی سه‌رۆکی هه‌رێمی کوردستان ٢٩/٦/٢٠١٩